2015

سلام یا حسینؑ 2015


https://web.facebook.com/photo.php?fbid=10153370861744830&set=g.757586571035516&type=1&theater&ifg=1

اجرا : 15 اکتوبر 2015

۔۔۔۔۔۔۔۔۔۔۔۔۔۔۔۔۔۔۔۔۔۔۔
   12
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
صغیر انور صاحب کا ھدیۂ عقیدت:
۔۔۔۔۔۔۔۔۔۔۔۔۔۔۔۔۔
نذرانہء عقیدت بحضور امامِ عالی مقامؑ ـــــــــــــــ
سب سے عالی نسب، حُسینؑ آباد
دو جہاں کی طلب، حُسین ؑ آباد
آپ ان پر درود پڑھتا ہے
آپ کہتا ہے رب، حُسینؑ آباد
اِس سے عمریں طویل ہوتی ہیں
لوگ کہتے ہیں جب،حُسینؑ آباد
دھیان جاتا ہے کربلا کی طرف
بول اُٹھتے ہیں لب،حُسینؑ آباد
Sahir Anwar
g
 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
13
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محترمہ تسنیم عابدی کا سلام:
---------------------------
نیزے پہ کیا تھا جو سفر یاد رہے گا
قراں سناتا ہوا سر یاد رہے گا
پردیس میں اک دن میں جو برباد ہوا تھا
زہرا کا وہ اجڑا ہوا گھر یاد رہے گا
ہر زخمِ تمنا کو بھلا سکتی ہے لیکن
ماں کو علی اکبر کا جگر یاد رہے گا
پیاسا رہا امت کی شفاعت کے لئے جو
وہ ساقی کوثر کا پسر یاد رہے گا
پانی کے لئے ہاتھوں کا کٹنا بھی گوارا
سقائ کا دنیا کو ہنر یاد رہے گا
اک سر تھا جو نیزے پہ ٹھرتا ہی نہیں تھا
عباس پہ کیسا تھا اثر یاد رہے گا
ماں بہنیں رسن بستہ کھلے سر تھیں خدایا
بازار سے عابد کا گزر یاد رہے گا

 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
14
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سیدہ فرح شاہ کا سلام:
۔۔۔۔۔۔۔۔۔
اتنا آساں تو نہیں ہے یہ بیان_کربلا
داستان_کربلا ہے ..... داستان_کربلا
جس کو سننے کیلئے دل اور کلیجہ چاھیۓ
کیوں نہ سر کو پیٹ لیں پھر نوحہ خوان_کربلا
ہوں علی اکبر ع،محمد ع،قاسم و عباس ع و عون ع
لایق_تحسین ہیں سب نوجوان_کربلا
چپ رہے کیوں دیکھ کر آل_محمدص کا لہو
اے زمین_کربلا، اے آسمان_کربلا
اک طرف طاغوت ہے اور اک طرف مولا حسین ع
آگئ تقدیر کن کو آزمانے ، کربلا
اذن دیتے تو یہ پانی دوڑتا آتا فرح
صبر کی معراج پر تھے تشنگان_کربلا
Farah Shah

 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔










 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
1
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

احمد حسین مجاہد صاحب کا سلام:

 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
2
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خُرم خلیق صاحب کا سلام:
 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
3
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محترم واجد امیر صاحب کا سلام:
 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
4
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ثامن جعفری صاحب کے توسط سے
سید عابد جعفری کا سلام:
 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
5
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محترم راشد امین کا سلام:
 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
6
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سید وسیم نقوی کا سلام:
 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
7
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محترم ڈاکٹر صفی حسن کا سلام
 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
8
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جناب اشرف یوسفی صاحب کا کلام:
 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
9
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عطا تُراب کا سلام:
 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
10
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوز صاحب کا نذرانہء عقیدت:
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
11
 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جموں و کشمیر- بھارت ، سے جناب ذوالفقار نقوی صاحب کا سلام:
--------------
جب دکھایا رنگ اپنا کفر کے بازار نے
ہر فریب و مکر پہ حملہ کیا کردار نے
کر دیا پامال بیعت کے وفور شوق کو
بیڑیوں نے ، طوق نے ، زنجیر کی جھنکار نے
اس عمارت کی نہ ہو گی اب کوئی دیوار کج
کر دیا تعمیر ایسا ہاشمی معمار نے
پڑ گیا بھاری مسلمانوں پہ خیبر کا جو در
ایک انگلی سے اکھاڑا حیدر کرار نے
تیرا فدیہ دیکھنے کو آئے ہیں سب انبیاء
کھینچ لایا ہے انہیں میثاق کے اقرار نے
رشتہ ء قرآن و عترت ہو گیا سب پر عیاں
نوک نیزہ پر تکلم جب کیا سرکار نے
کر چکی تھی ساری دنیا بیعت باطل قبول
لاج رکھ لی دین کی شبیر کے انکار نے
دیکھ لے اے دعوی دار حب حیدر ، دیکھ لے
کاٹ کر دے دی زباں ہے میثم تمار نے
الحفیظ و الاماں اے وارث ابن علی
کر دیا دشوار جینا زندگی کے بار نے
مدح ممدوح خدا نقوی کے بس میں ہے کہاں
تیرے در سے لے لیا صدقہ ترےفنکار نے
ذوالفقار نقوی ، جموں کشمیر ، بھارت

۔۔۔۔۔۔۔۔۔۔۔۔

15
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سید عقیل عباس جعفری کا تازہ سلام:
۔۔۔۔۔۔۔۔۔۔۔۔۔۔۔۔۔۔
اپنے غم بدلے نہیں، اپنے الم بدلے نہیں
چودہ صدیاں ہوگئی ہیں پھر بھی ہم بدلے نہیں
ایک ہی گھر ایک ہی در سے رہے وابستہ ہم
یہ نشاں بدلے نہیں ہیں یہ علم بدلے نہیں
ان کی قیمت خلد میں پائیں گے ہم اہل عزا
ہم نے ہیرے موتیوں سے اشک غم بدلے نہیں
آج بھی پہچانتی ہے ہر منافق کا نسب
ذوالفقار حیدری کے پیچ و خم بدلے نہیں
خواہش دربار پہ ہوتی ہیں تاریخیں رقم
مرگئے لاکھوں مورخ پر قلم بدلے نہیں
شام کا بازار ہو، دربار ہو، زندان ہو
یہ گھرانہ اور یہ اہل حرم بدلے نہیں
اب بھی جاری ہے وہی جور و جفا کا سلسلہ
آسماں بدلا نہیں اہل ستم بدلے نہیں
حرہوں، قنبر ہوں ، فرزدق ہوں کہ ہم جیسے فقیر
کربلا والوں کے انداز کرم بدلے نہیں
Aqeel Abbas Jafri

 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
16
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کینیڈا میں مقیم نسرین سید ایک معروف شاعرہ ہیں۔ اس بزم کے انتظام و انصرام میں ہاتھ بھی بٹا رہی ہیں۔ ان کا سلام پیشِ خدمت ہے:
سلام یا حسین ۔۔۔۔۔۔ نسرین سید
۔۔۔۔۔۔۔۔۔۔۔۔۔۔۔۔
جو رنج ہے دل میں وہ رقم ہو بھی تو کیسے
شبیر کے غم سا کوئی غم ہو بھی تو کیسے
بے گور و کفن، خون میں تر بھائی کا لاشہ
زینب، ترے غم جیسا الم ہو بھی تو کیسے
کوثر کی بشارت ہے جنہیں، پانی کو ترسیں
اب اس سے بڑا کوئی ستم ہو بھی تو کیسے
روئی ہے مری آنکھ ترے غم میں سکینہ
اب اور کسی غم میں یہ نم ہو بھی تو کیسے
وہ شامِ غریباں ، وہ گھڑی کرب و بلا کی
تحریر ہو غم، تابِ قلم ہو بھی تو کیسے
ہیں سینہ سپر حق کے لیے شاہِ شہیداں
سر سامنے باطل کے جو خم ہو بھی تو کیسے
شبیر کے غم میں نہ لہو آنکھ سے ٹپکے
پھر رحمتِ عالم کا کرم ہو بھی تو کیسے

۔۔۔۔۔۔۔۔۔۔۔۔۔۔۔۔۔۔۔۔۔

17

سلام یا حسینؑ 2015
شاعر : سید عمار علی کاظمی (بدوملہی۔ نارو وال)۔
آدمی کو آگہی ملتی رہے گی کربلا سے روشنی ملتی رہےگی کیا کہوں زرخیزیِ خونِ شہیداں ہر قدم پر زندگی ملتی رہے گی ضربتِ سجدہ کی ہیبت سے ہمیشہ خاک میں اب بت گری ملتی رہے گی کربلا سے رابطہ جب تک رہے گا فکرِنو کو تازگی ملتی رہے گی مٹ نہیں سکتی عزاداری ہماری ہر صدا اب ماتمی ملتی رہے گی

۔۔۔۔۔۔۔۔۔۔۔۔۔۔۔۔۔۔۔۔۔۔
18

شاعر : جناب خمار جعفری صاحب( چکوال)۔
۔

گماں کو جب بھی جہنم رسید لکھا ہے بڑے یقین سے میں نے یزید لکھا ہے وہ ایک تار ترے پرچمِ بلند کا ہے جسے قرآن نے جبل الورید لکھا ہے امیرِ شام سے میری موافقت کیوں ہو مری جبیں پہ علیؑ کا مرید لکھا ہے اسی لیے مری دنیا سے بن نہیں پائ ہر اک یزید کو میں نے یزید لکھا ہے وہ لفظ جس میں صعوبت ہے ہر زمانے کی مرے حسین ؑنے مجھ سے بعید لکھا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
19

شاعر : جناب ادریس آزاد صاحب 
۔۔۔۔۔۔۔۔۔۔۔۔۔۔
حضوری قلب
۔۔۔۔۔۔۔۔۔۔۔۔۔۔۔۔
جبین ِ صاحبِ ما ارتکاز ِ نُور ِ خدا
جہاں پہ مُہرِ تحفظ ہے سجدۂ شبیرؑ
وہ ایک سجدہ خدا کے حضور، اِک سجدہ
نہیں ہے عالم ِ نُوروبشر میں جس کی نظیر
وہ سجدہ جس کے لیے عالم شہود بِچھا
وہ سجدہ جس کی تمنّا میں جل گئے کئی طُور
وہ سجدہ جس میں ہے معراج ِ مصطفیٰؐ کی جھلک
وہ سجدہ، جس پہ فدا قلبِ جبرئیل کا نُور
بہت بڑا ہے وہ سجدہ،بہت بڑا بے شک
مگر کہاں گیا اِس ذکر میں قیام ِ حسینؑ؟
نثار قوّتِ بازُو پہ جس کی ضربِ کلیمؑ
وہی قیام، حقیقت میں ہے پیامِ حسینؑ
نمازیو! سنو! سجدوں میں سو نہ جانا کہیں
اُٹھو! کہ صرف بقا سنتِ امام میں ہے
رکوع و سجدہ و تسبیح میں نجات نہیں
نجات ہے تو سرفراَزی و قیام میں ہے


۔۔۔۔۔۔۔۔۔۔۔۔۔۔۔۔۔۔۔۔۔۔۔
20
ہندوستان سے جناب ضیا ضمیر صاحب کا سلام:
۔۔۔۔۔۔۔۔۔۔۔۔۔۔۔۔۔۔۔۔
چیخ اٹھّے خود فرات بهی' تهی کس بلا کی پیاس
یاد آے گر نواسہِ ؑخیرالوری' کی پیاس
مضطر ہوئی ہوں کوثر و تسنیم کیا بعید
آخر کو تھی وہ لختِ دلِ سیّدہ ؑکی پیاس

خود زین العابدیںؑ کی علالت بھی ہے گواہ
پانی کی پیاس سے نہ فزوں تھی دوا کی پیاس

چھلکا ہوا تھا خونِ شہیددانِ کربلا سیراب ہو رہی ِتھی یزیدی انا کی

پیاس

تو واقعی زمیں پہ قیامت کی پیاس تھی
تو بجھ نہ پاےگی کبھی اے کربلا کی پیاس

ِپھٹ پڑتی ایسی پیاس سے ارض نجف مگر

صد شکر تھی وہ صاحبِ صبر و رضا کی پیاس

الفاظ میں بیان "ضیا" ہو بھی کس طرح
جسکی کچھ انتہا نہیں وہ انتہا کی
پیاس
۔۔۔۔۔۔۔۔۔۔۔۔۔۔۔۔۔
ضیا ضمیر ( مرادآباد ۔ہندوستان)

٭٭٭٭٭٭٭٭

21
جناب افضال نوید صاحب کا سلام


سرِ شامِ غریباں

افلاک میں ہلچل تھی سرِ شامِ غریباں
مٹّی مِری بیکل تھی سرِ شامِ غریباں

تھی سُرخیِٔ خُونِ شُھَدا جانِبِ آفاق
ھر بُوند بھی چھاگل تھی سرِ شامِ غریباں

تھا دُور تلک گہرا اندھیرا پسِ صرصر
اُمّید بھی اوجھل تھی سرِ شامِ غریباں

تابِش بھی ٹھِٹھک جاتی ھُوئی مہرِ رواں کی
رفتار بھی بوجھل تھی سرِ شامِ غریباں

یکجا ھُوئی تھی وحشتِ بیگانگیِٔ زِیست
تقدیر بھی پاگل تھی سرِ شامِ غریباں

اور خار بھی پیوست تھے ارواحِ ابد کے
اور ریت بھی جل تھل تھی سرِ شامِ غریباں

سُولی پسِ سُولی تھی نظارے کے گلے میں
کربل پسِ کربل تھی سرِ شامِ غریباں

صحرا تھی دِلِ فاطمہؑ کے درد کی آواز
شورش کوئی جنگل تھی سرِ شامِ غریباں

مَیں ریزۂِ مُشکِل کُشا گھائل تھا نویدم
ھر آنکھ بھی گھائل تھی سرِ شامِ غریباں
۔۔۔۔۔۔۔

22

سلام یا حسینؑ 2015
شاعر :جناب محمد ندیم بھابہ صاحب
سائیں حُسینؑ پاک کی بارگاہ میں سردار بھلے سردار جی تم عشق صحیفہ ہو تم راضی مرضی یار کے ہمیں اپنا جھوٹا دو تم فخر ہو آقا پاک ﷺ کا تم فقر کی ہو پہچان تم بی بی پاک کا نور ہو سلطانوں کے سلطان تم شیرِ خدا کے لاڈلے تم الله کی تلوار تم بھائی حسن کا پیار ہو اور نانا ﷺ کی دستار تم پاک ازل سے پاک ہو اور کن سے پہلے نور تم تھے جب کوئی تھا نہیں دو آنکھوں میں مستور تفسیر ہو کلمہ پاک کی جو دور کرے ظلمات تم چلتے پھرتے نور ہو تم مولا کی ہو ذات تم ہمت ہو عشاق کی اور الاالله کا راز تم اسماعیل کا پریم ہو اور ابراہیم انداز تم ساجد کے ہو دوش پر اور سجدہ ہوا طویل تم عین وضاحت عشق کی اور حق کی صاف دلیل تم مالک ہو مخدوم ہو میں کیسے کہوں مظلوم تم خلقت میں حق بانٹتے میں کیسے کہوں محروم تم گردن پر قربان ہم جہاں بوسے دیں سرکار تم رحمت کے ہو دوش پر تم جیسا کون سوار تم ابرو جو تلوار ہیں ہم اس تلوار کی دھار تم آنکھیں جو دستور ہیں ہم ان کے تابعدار سردار بھلے سردار جی تم پر ہو درود سلام تم خاص طریقت فقر کی تم اصل میں ہو اسلام

٭٭٭٭٭

٭٭٭٭٭٭٭
23

سلام یا حسینؑ 2015
شاعر : جناب خاور اسد صاحب
جناب خاور اسد صاحب ------------- گرتی دیوار پر بہت خوش ہوں میں تری ہار پر بہت خوش ہوں کربلا! میں تری کہانی میں "حُر" کے کردار پر بہت خوش ہوں میرا سجدہ امر کیا تُو نے میں ترے وار پر بہت خوش ہوں لے کے جائے گی سُرخ پھولوں تک راہِ پُر خار پر بہت خوش ہوں کاش میرے لیے حسینؑ کہیں "اِس عزادار پر بہت خوش ہوں"

٭٭٭٭٭


24

سلام یا حسینؑ 2015
شاعر :محترم حسنین اکبر  صاحب
محترم حسنین اکبر  صاحب --------------- ماتم کیا گیا کبھی گریہ کیا گیا گھر اپنا کربلا کا علاقہ کیا گیا فطرت پہ اختیار سے قبضہ کیا گیا یعنی دیا بجھا کے اجالا کیا گیا عادل نے صبر و حرب میں برتا یوں اعتدال کچھ کم کیا گیا نہ زیادہ کیا گیا روزِ ازل سے نوکِ سناں تک اٹل حسین ع وعدہ کیا گیا تھا سو پورا کیا گیا اہلِ عزا کے گریے سے گھبرا کے ایک دن کعبہ ترا لباس بھی کالا کیا گیا حرؑ کر چکا حسینؑ کی ماں کا جب احترام فہرستِ تشنگاں میں اضافہ کیا گیا حر ؑ غیر بن کے آیا تھا دریا سے کاٹنے دریا سے کاٹ کر اسے اپنا کیا گیا مجھ کو دکھائی دیتے ہیں مسجود کے نشاں کہتے ہیں لوگ اس جگہ سجدہ کیا گیا؟ تسنیم وسلسبیل طنابوں سے باندھ کر صحرا میں نصب پیاس کا خیمہ کیا گیا بن کر امامؑ شکر کے سجدے کیے گئے اور باپ بن کے لاشوں پہ گریہ کیا گیا

٭٭٭٭٭
25

سلام یا حسینؑ 2015
شاعر : جناب مصدق لاکھانی صاحب
سامنے پیاسوں کے بہتا ہے جو دریائے فراٴت اپنے چلّو ہی میں اب ڈوب کے مر جائے فراٴت سخت بے چین ہے عباسِ دلاور مولا آپ کہہ دیں تو یہ مُٹھی میں اٹھا لائے فراٴت پہرہ داروں کا یہ پہرا بھی کوئی پہرا ہے حرؑ کی مانند درِ شاہؑ پہ آجائے فراٴت ہائے دو گھونٹ بھی اصغرؑ نے نہ پایا پانی سر کو اب سنگِ پشیمانی سے ٹکرائے فراٴت اب تو جلتے ہوئے خیموں کو بجھائے آکر ورنہ بھڑکی ہوئی اس آگ میں جل جائے فراٴت درد کی پیاس ہے قطروں سے کہاں بجھتی ہے کاش آنکھوں میں مصدق کی اُتر آئے فراٴت

٭٭٭٭٭

26

سلام یا حسینؑ 2015
شاعر : جناب شاہد ملک صاحب
باب یقین و عشق کا عنواں حسینؑ ہیں دشت بلا میں عزم کا ساماں حسینؑ ہیں خود چاند، اردگرد ستاروں کا جمگھٹا بزم فلک میں سب سے نمایاں حسینؑ ہیں جو شان سروری کا تقاضا ہے، دوستو اس رفعت مقام کے شایاں حسینؑ ہیں دل میں سرور ان کی عنایت سے موجزن وجہ ملال بھی سرمژگاں حیسنؑ ہیں شاہد ، غبار دشت مسافت ہے زندگی موج ہوائے صبح بہاراں حسینؑ ہیں

٭٭٭٭٭
27

سلام یا حسینؑ 2015
شاعر : محترم مجید اختر صاحب
شام کا رنگ ہوا خاک سے ملتا جلتا چاند ہے دیدہٗ نمناک سے ملتا جلتا ذوقِ سجدہ پہ ہے مائل مری پیشانی بھی دل بھی کہتا ہے رہوں خاک سے ملتا جلتا کربلا، آنکھ میں ویرانیٗ صحرا ہے بسی حالِ دل ہے ترے خاشاک سے ملتا جلتا زاہدا، تیری نظر میں کوئی در ہو تو بتا اس درِ پنج تنِ پاک سے ملتا جلتا کربلا، کیسے کروں میں تری رفعت کا بیاں رنگِ جنت ہے تری خاک سے ملتا جلتا اک شبیہِ عَلَم و مَشک ہے کمرے میں سجی اُس پہ گنبد ہے درِ پاک سے ملتا جلتا ایک بھائی ہے جسے دیکھیں تو یاد آئیں علیؑ اک پسر ہے شہِ لولاکؑ سے ملتا جلتا

٭٭٭٭٭

28

سلام یا حسینؑ 2015
شاعر : جناب منصور عثمانی   صاحب
ثابت یه کر گئی هے شہادت حسین کی دنیا میں منفرد هے عبادت حسین کی آهوں سے- آنسوئوں سےـ عقیدت سے دوستو چاروں طرف ہے آج تلاوت حسین کی تشنه لبی کو دیکهئے اعزاز مل گیا تشنه لبی هے آج علامت حسین کی میرا یقین ہے وہ ہمیشہ ہی آئے ہیں جب بھی پڑی ہے ہمکو ضرورت حسین کی دنیا سے نام مٹ گیا ظالم یزید کا دنیا میں آج تک ہے حکومت حسین کی منصور اس لئے ہے تو ہر گام سرخرو دل میں ترے دھڑکتی هے نسبت حسین کی ۔۔۔۔۔۔۔۔۔۔۔۔۔۔۔۔۔

٭٭٭٭٭٭
29

سلام یا حسینؑ 2015
شاعر: جناب رحمان حفیظ صاحب
نظرنظر تِری حسرت ہے دل بہ دل ترا غم ملا ہے اہلِ زمانہ کو مستقل ترا غم گزر چُکی ہے خزاں عشرتِ تمناّ کی کھلاہُوا ہے سر ِگلستانِ دل ترا غم بسی ہوئی ہے فضائوں میں بس تری خُوشبو ر چا ہوا ہے مناظر میں مستقل ترا غم ہر ایک رنج میں تیرے گمان کی آمیخت خوشی کےسارے علاقوں سے متصّل تراغم دلوں کو درد کی دولت سے بہرہ مند کرے ہے اپنی اصل میں اک گُونہ معتدل ترا غم ہر ایک آنکھ ، ہر اک آئنے کا خواب ہُوا جمالِ حیرت و حسر ت پہ مشتمل ترا غم

٭٭٭٭٭
30

سلام یا حسینؑ 2015
شاعرہ :  ارم نقوی صاحبہ
زندہ نشاں قبیلے کی پہچان کربلا اک مصحف حیات ہے عنوان کربلا ۔ آزاد ہے یہ مذہب و مسلک کی قید سے انسانیت کے واسطے برهان کربلا ۔ ظالم کو روکنا ، نہیں واجب قلیل پر ایسی ہر اک دلیل سے انجان کربلا ۔ منصف ہو باضمیر تو مانے گا یہ ضرور ہر عہد کی ہے مستند میزان کربلا ۔ دیں کا سفینہ ڈوبنے کا خوف اب نہیں لاریب کہ ہے قامع طغیان کربلا ۔ میثم زبان ہونے کا باعث بھی کربلا اور ہے مزاج بو ذر و سلمان کربلا ۔ قاسم کا بانکپن ، علی اکبر کا ہے شباب اصغر کی ایک ہلکی سی مسکان کربلا ۔ اوراق مقاتل میں رقم ہے کہ سکینہ تعمیر کر گئ پس زندان کربلا ۔ بے تیغ فتح زینب و سجاد نے کیا کرتی رہے گی حشر تک اعلان کربلا قرآن کربلا ، میرا ایمان کربلا راہ نجات ، کلمہ یزدان کربلا ۔ حر( رض) جیسی حریت جسے ادراک میں ملی اس کو بنا دے صاخب عرفان کربلا ۔ مانگو ارم خدا ہمیں حرؑ سا نصیب دے کر دے ہمیں بھی صاحب وجدان کربلا

٭٭٭٭٭٭
31

سلام یا حسینؑ 2015
شاعر : جناب ظفر اقبال صاحب
بُجھا ہے رنگِ دِل اور خوابِ ہَستی کربَلا ہے کہ جیتے ہیں نہ مَرتے ہیں یہ کیسی کربَلا ہے وہی قاتل وہی مقتول بھی ہے لیکن اب کے محمد کے جگر گوشے سے خالی کربَلا ہے وہی خنجر ہے پیوَستِ گلو خیمہ بہ خیمہ وہی میرے ہزاروں سمت پھیلی کربَلا ہے وہی تیرِ تغافل سب کے سینے میں ترازو وہی کوچہ بہ کوچہ دیکھی بھالی کربَلا ہے سروں تک آگیا آبِ فراتِ خوف دیکھو ! جو پیاسوں کو ڈبو دے گی یہ ایسی کربَلا ہے اگر سوچو تو چلتا آ رہا ہے اِک تسَلسُل اگر سمجھو تو یہ پہلے ہی جیسی کربَلا ہے عزاداری میں شامِل تو سبھی ہُوتے ہیں لیکن ظفَر جس پہ گُذر جائے اُسی کی کربَلا ہے

٭٭٭٭٭
32

سلام یا حسینؑ 2015
شاعر:جناب اسد علی اسدصاحب
جو آگ سے کاندھوں پہ اُٹھا لائی ہے زینبؑ عابدؑ نہیں ، توحید بچا لائی ہے زینبؑ ۔۔۔ شبیرؑ اگر لائے ہیں قربانی ءِ اکبرؑ تو دین بچانے کو ردا لائی ہے زینبؑ ۔۔۔ شبیرؑ کے لاشے سے سکینہؑ کی یتیمی روتی ہوئی سینے سے لگا لائی ہے زینبؑ ۔۔۔ دیکھے جو نظر بھر کے تو مر جائیں یزیدی غازیؑ نہیں ، زہراؑ کی دعا لائی ہے زینبؑ ۔۔۔ اِس دشت میں کب شام اسیروں پہ کٹھن ہے اِ س شام سے ہی صبحِ بقا لائی ہے زینبؑ ۔۔۔ شمشیرِ خطابت سے گلے کاٹ رہی ہے انداز لڑائی کے جُدا لائی ہے زینبؑ ۔۔۔ کیا ہے جسے روتی ہے کلیجے سے لگا کر سجادؑ سے پوچھے کوئی کیا لائی ہے زینبؑ ۔۔۔ اے شمرِ لعیں دیکھ ترے ظُلم و ستم سے کس طور سکینہؑ کو چُھڑا لائی ہے زینب ؑ ۔۔۔ دشتِ بلا سے عزمِ حسینیؑ لیے اسد دربار میں باطل کی قضا لائی ہے زینبؑ ۔۔۔

٭٭٭٭٭٭
33

سلام یا حسینؑ 2015
شاعر : جناب محمد خالد صاحب
امامت کر رہا ہے قافلہ سالار انساں کی وفا کی راہ میں پروا نہیں ھے توشئہ جاں کی علیؑ نے منزلِ طفلی میں کی بیعت محمدۖ کی حسینؑ ابنِ علیؑ نے لاج رکھ لی عہد و پیماں کی وہ رشکِ انبیاء، ھمشکلِ روۓ مصطفی' جس نے سرِ نیزہ جلائی شمعِ عرفاں نفسِ قرآں کی طوافِ کربلا موجِ صبا دن رات کرتی ھے کہ خوشبو ھاتھ آ جاۓ ذرا سی تیرے داماں کی یہاں تکمیل ھے، اتمام ھے، صبر و رضا بھی ھے نبیۖ کے خانوادے سے ملی تفسیر ایماں کی میں قرباں عابدِ بیمار تیری استقامت پر سفر ھے دور کا اور شان دیکھو پابجولاں کی بہتر بے سر و ساماں، شجاعت جن پہ نازاں ھے یہ نصرت آسمانی ھے، نہیں ھے ساز و ساماں کی

٭٭٭٭٭
34
ہر دلعزیز شاعر ڈاکٹر عزیز فیصل کا تازہ کلام:
۔۔۔۔۔۔۔۔۔۔۔۔۔۔۔۔۔۔۔۔۔۔۔
کربلا عصر کے سجدے کی جنوں کاری ہے
جاں نثاری کی یہ کیا حسن طلب گاری ہے

کنبہ خیر کے رتبے میں تغیر کی روش
فاش تقصیر ہے، سفاک خطا کاری ہے

سن رہی ہے اسے تاریخ بهی اک مدت سے
دل کی آنکهوں سے تاسف کا بیاں جاری ہے

یہ جو اظہار عقیدت ہے، نہیں شعر فقط
کربلا والوں سے توفیق طرف داری ہے

اپنے پتوں کو خزاوں میں گرائے رکهنا
زرد اشجار کا انداز عزاداری ہے

بغض اور وہ بهی شہیدوں کے لہو سے رکهنا
جسم کا روگ ہے یا روح کی بیماری ہے

عالم خواب میں بهی محو ثنا رہتے ہیں
یہی اس آل کا اسلوب وفاداری ہے
Aziz Faisal
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
35
جبار واصف صاحب کا نذرانہء عقیدت:
---------------
بپا قرطاس پر یوں ماتمِ شبیرؓ کرتا ہوں
میں اشکوں کے قلَم سے کربلا تحریر کرتا ہوں
۔
پشیماں ہو کے دریا ہچکیوں سے رونے لگتا ہے
علی اصغرؓ کی جب میں تشنگی تصویر کرتا ہوں
۔
مرے ادراک کے قلبِ حزیں سے خوں نکلتا ہے
بیاں میں جب بھی حالِ زینبِؓ دلگیر کرتا ہوں
۔
نبیؐ کی آل کا دشمن مسلماں ہو نہیں سکتا
کوئی گر ہے تو میں اُس کی کُھلی تکفیر کرتا ہوں
۔
مری گر کوئی عزت ہے تو اُس کا بس سبب یہ ہے
میں اہل ِ بیت کی واصفؔ بہت توقیر کرتا ہوں

( جبار واصفؔ )

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
36
نیویارک سے احمد عرفان صاحب کی شرکت:
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

محبان اہل بیت کے نام.....
سلام بحضور امام عالی مقام

شبیر (ع )میرے سینے میں دلگیر تیرا غم
اِس کائنات میں مری جاگیر تیرا غم

ھر ایک رنج و غم کا مداوا غمِ حسین (ع )
ھر اک ستم رسید کو اکسیر تیرا غم

میرے حسین( ع ) تیری تلاوت سرِ سناں
ذبحِ عظیم کی ہے وہ تفسیر تیرا غم

ممکن کہاں ہے شامِ غریباں کو سوچنا
ممکن کہاں کہ ہو سکے تحریر تیرا غم

دل میں ہے جاگزیں تری بس یاد کے نقوش
آنکھوں میں ہے وہ خواب کہ تعبیر تیرا غم

چاھوں بھی اور کیا؟ میں ترے غم کے ماسوا
بس ہو دعا میں صورتِ تاثیر تیرا غم

تیرا گلو ھی بوسہ گہہِ مصطفےٰ(ص ) ھے کیوں؟
پوچھے کوئ رسول سے شبیر تیرا غم
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
37
آسٹریلیا سے شاعرِ خوش نوا سعید خاں کا ھدیہ:
--------------------
ہوائے دشت ہے ماتم گزید چاروں طرف
کریں گے دل غمِ کربل کشید چاروں طرف

سحر اداس ہے وحشت سرائے کربل میں
پڑے ہیں خاک پہ شہ کے شہید چاروں طرف

حسینیت کو مٹانا کسی کے بس میں نہیں
اگر چہ پھرتے ہیں اب بھی یزید چاروں طرف

رہِ حجاز پہ دشمن کی دسترس ہے تو کیا
سپر ہیں شاہِ نجف کے مرید چاروں طرف

کھُلا ہے جب بھی لبوں پر سوادِ ذکرِ حسینؑ
ملی ہے خوشبوئے مولا سعیدؔ چاروں طرف
Saeed Khan
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
38
سلام__مرزا حسن مجتبی

عرش پر پهیل گۓ بن کے ستارے آنسو
مجلس- شاه ع میں بکھرے جو همارے آنسو

انبیاء ع پر هوا جسطرح صحیفوں کا نزول
ایسے خالق نے ان آنکھوں په اتارے آنسو

غم - دنیا میں بهانا مجھے منظور نهیں
غم- سرور ع کے لیۓ وقف هیں سارے آنسو

اسطرح چنتے هیں آ آ کے ملک مجلس میں
جیسے هوں عرش کے ٹوٹے هوۓ تارے آنسو

منکر- مجلس- شبیر ع ترا کیا هوگا ؟؟؟
میری کشتی تو لگا دیں گے کنارے آنسو

گو که بیرنگ هیں, پھر بھی یه یقیں هے هم کو
رنگ دکھلائیں گے اک روز همارے آنسو !!!

کتنے میٹھے هیں ثمر ان کے تمهیں کیا معلوم ؟؟
غم- سرور ع میں نکلتے هیں جو کھارے آنسو

پهلے سونا تھے مگر بن گۓ مثل - کندن
آتش- عشق سے جب هم نے گزارے آنسو

اپنے رومال میں رکھتی هیں سجا کر ان کو
کتنے محبوب هیں زهرا ع کو همارے آنسو

جب میں گھبرایا حسن قبر کی تاریکی سے
جگنوؤں کی طرح روشن هوۓ سارے آنسو
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
39
من قاش فروش دل صد پاره خویشم
: شاھد فاروق
------------------------------------------
نفس نفس ہے علی کا صدقہ ، افق افق خونِ کربلا ہے
حسین ابنِ علی سے ابتک شہادتوں کا ہی سلسلہ ہے

صداقتوں سے ، جسارتوں سے ، ولایتوں سے شہادتوں سے
تمام آلِ نبی سجی ہے ، سبھی نے اپنا لہو دیا ہے

نہ کوئ ہمسر بہادری میں ، نہ کوئ ثانی دلاوری میں
کسی سے کیسے شکست کھائے کہ میرا مولا تو لافتی ہے

قرآن یاں بھی ، قرآن واں بھی ، نماز یاں بھی ، نماز واں بھی
مگر امامِ زماں یہاں ہے ، وہاں پہ فوجِ معاویہ ہے

حنین وبدر و احد میں دیکھو تو شہہ سواروں کی آبرو ہے
غدیرِ خم میں نبی سے جس کو وصی کا رتبہ عطا ہوا ہے

یہ تاجداری ، یہ بے نیازی ، یہ کجکلاہی ، یہ بوترابی
قلندرانہ مزاج تیرا بہ وصفِ آیاتِ اِنمّا ہے

دیارِ آلِ نبی ہے شاہد ، قدم نہایت سنبھل کے رکھنا
قدم قدم پر یہاں ہے منزل ، یہ سامرہ ہے ، وہ کاظمہ ہے
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
40
ہیوسٹن سے خالد خواجہ کا تازہ سلام:
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لہو لباس پہن، بن سنور نکلتے ہیں
جنہیں نکلنا ہو بارِ دگر نکلتے ہیں

حسین ابنِ علی غم ہزار ہوتے ہیں
پہ تیرے غم ہی غمِ معتبر نکلتے ہیں

یزیدیوں کیلئے موت بن کے جانا ہے
پلٹ کے آنا نہیں، سوچ کر نکلتے ہیں

قسم خدا کی، کہ ان سا حَسین کوئی نہیں
نہا کے خون میں جو سر بسر نکلتے ہیں

اشارہ پاتے ہی سارے حُسینی دیوانے
اٹھا کے کندھوں پہ عزمِ سفر نکلتے ہیں

کہیں پہ بند ہےاب بھی فرات کا پانی
کہیں پہ اب بھی تو نیزوں پہ سر نکلتے ہیں

تمام دہر ہی کربل ہے دیکھ خالد جی
اِدھر جو مارے گئے وہ اُدھر نکلتے ہیں
Khalid Khaja

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
41
سوز  صاحب (امیج)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
42
سید کامی شاہ کا سلامِ عقیدت:

جسے چراغ ستارے امام کہتے ہیں
اسے حسین علیہ السّلام کہتے ہیں

نکل کے کعبہ سے جانا ہے جانبِ مقتل
سفر یہ ہوتا ہے اس کو خرام کہتے ہیں

بلند نیزے پہ کرنا ثنائے کُن فیّکُن!
سخن یہ ہوتا ہے، اس کو کلام کہتے ہیں

اُسے پتہ تھے سبھی راز صبر کیشی کے
اُسے خبر تھی کہ کس کو دوام کہتے ہیں

فضا میں اُڑتے پرندے زمیں پہ اتریں تو
درِ حسین پہ کامی سلام کہتے ہیں

سید کامی شاہ۔ کراچی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
43
تبسم نواز وڑائچ صاحب کا نذرانہء عقیدت:

کوئی بھی نہین لشکر ِ شبیر سے نکلا
اک تیر تھا جو شہ رگِ بے شیر سے نکلا

زہرا کی دعائین تھین کہ حُر نار ِ سقر سے
فردوس کی جانب بڑی توقیر سے نکلا

کرتا ہے سر ِ نوکِ سنان کون تلاوت
یہ زندہ چلن صرف مرے پیر سے نکلا

پھر اُس کا ٹھکانہ لبِ دوزخ ہی ہوا طے
جو پنجتن ِ پاک کی جاگیر سے نکلا

زہرا کا تقدّس لبِ زینب سے عیان تھا
ھندہ کا اثر شمر ترے تیر سے نکلا

مین أج بھی ہون شام کے بازار کا قیدی
اب تک نہین بیمار کی زنجیر سے نکلا

چھ ماہ کا بےشیر بڑی شان سے رن مین
لڑنے کے لئے پیاس کی شمشیر سے نکلا

کچلے ہوئے لاشے جو پڑے پیارون کے دیکھے
وا غربتا نوحہ لبِ ہمشیر سے نکلا

معصوم سے بیعت کا تقاضا ہی غلط ہے
مفہوم یہی أیہء تطہیر سے نکلا

تبسّم نواز وڑائچ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
44
معروف نوجوان شاعر راحل بخاری کا کلام:
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ردائے سیدہ کی تعزیت ہو
کسا والو! کسا کی تعزیت ہو

کوئی آیت نہین اتری وہاں پر
سکوتِ انّما کی تعزیت ہو

ابھی تک قافلہ بازار میں ہے
مسلمانو! حیا کی تعزیت ہو

مکان و لامکاں اجڑے ہوئے ہیں
اسی اجڑی ولا کی تعزیت ہو

خدا کے گھر کے معماروں کو راحل
ذبیح ِکربلا کی تعزیت ہو

راحل بخاری
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
45
لاہور سے عدنان محسن کا سلام:
تعاون: اسد علی اسد
----------------------
حییٰ علی الحسین۔ ۔ ۔ ۔

پڑھ عشق کی نماز،حییٰ علی الحسین
کہتا ہے بے نیاز ،حییٰ علی الحسین

جبریل نے کہا ،فطرس کھڑا ہے کیا
آیا ہے چارہ ساز، حییٰ علی الحسین

اہل صف عزا ،بی بی کی ہے دعا
ہو زندگی دراز ،حیٰ علی الحسین

تکتی ہے تیری راہ،سرور کی بارگاہ
اے حرّ ِ سرفراز ،حییٰ علی الحسین

سجدے میں رکھ کے سر، کربل کی ریت پر
کہنے لگی نماز ،حییٰ علی الحسین

نانا یہ تیرا لال ،ہے درد سے نڈھال
اب چھوڑ دے حجاز،حییٰ علی الحسین

جنت کے واسطے،گر چاہئیے جواز۔
حی علی الجواز ،حییٰ علی الحسین

مومن سنیں پیام آنے کو ہیں امام
کھلنے کو ہے محاذ،حییٰ علی الحسین

عدنان محسن

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

46
رضوانہ سعید روز صاحبہ کا سلام:
------------
"""""سلام """""""
صبح ہو کہ شام یا حسین
آپ پر سلام یا حسین

میری آنکھ میں ہے کربلا
لب پہ ہے مدام یا حسین

آج پھر یذید کا چلن
ہوا رہا ہے عام یاحسین

پھر ہے کربلہ دھواں دھواں
جل رہا ہے شام یا حسین

صبر کی حدود سے پرے
آپ ہی کا کام یاحسین

غم جسے ملا ہو آپ کا
پا گیا وہ نام یا حسین
رضوانہ سعید روز
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
47
راشد امین (امیج )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
48
ایک شاندار سلام بحضور _ امام _ عالی مقام حسین علیہ السلام(احمد فريد)۔

يہ زندگی کا قرينہ ، کرم اسی کا ہے
خوشی تو خير اسی کی ہے، غم اسی کا ہے

تو کيا يہ معجزہ کم ہے ؟ جو کوئ غور کرے
کسی کا روضہ ہو!! ليکن علم اسی کا ہے

لکھے ہوۓ ميں لکھا ہے، جو پڑھ سکو تو پڑھو
يہ لو اسی کی ہے لوگو !! قلم اسی کا ہے

نہ بزم _ خيبر و خندق نہ رزم _ بدر و حنين
یہ دشت _ کرب ہے،اور اس ميں غم اسی کا ہے

حسين و منیّ کا مطلب سمجھ سکو تو سنو!!۔
ہے جس کا جو بھی مرے محترم، اسی کا ہے

حرم پرستو!! خدا کے اسی حرم کی قسم
خدا ہے سب کا تو ہو گا، حرم اسی کا ہے

جو مشکليں تو کجا موت ٹال دے احمد
اسی کا بندہ ہوں، مجھپر کرم اسی کاہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
49
ریاض ۔ سعودی عرب سے سلیم کاوش کا سلام:
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سلام

ذکر خدا نہ ہو ادا ذکر رسول کے بغیر
میری نماز نا تمام آل رسول کے بغیر

کتنا ہی غمزدہ رہوں تیرے لئے میں یا حسین
میری حیات بے ثمر تیرے اصول کے بغیر

راہ میں کربلا بنی کرب و بلا ترے لئے
جیسے تو عازم سفر بلد وصول کے بغیر

صحرائے ظلم و شرک میں نعرہء حق سراب تها
کوئی نہ جانتا تها یہ جان بتول کے بغیر

ضامن بقائے دین کا اذن خدائے لم یزل!
ممکن نہ تها حسین کے عجز و قبول کے بغیر

کاوش وہ اہل بیت تهے لبیک کہہ کے چل دئیے
حرف سوال کے بغیر قلب ملول کے بغیر

(سلیم کاوش..... 21 اکتوبر)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
50
رفیق راز صاحب کا سلام:
-----------------------
سلام

ہے بظاہر تو بس اک آئنہ بردار یہ دشت
لیکن اندر سے ہے گنجینئہ اسرار یہ دشت

ہم عزاداروں کی تثلیث بھلا اور ہے کیا
بس یہ اک قافلہ یہ قافلہ سالار یہ دشت

دیکھ یہ رات یہ خیمہ یہ سیہ پوش چراغ
دیکھ یہ حوصلہ یہ صبح کے آثار یہ دشت

اس جگہ کس نے لٹایا ہے خزانہ اپنا
ہوگیا تین ہی دن میں بڑا زردار یہ دشت

ہونے والا ہے بس اب آخری سجدہ بھی ادا
ہونے والا ہے ابھی بس گل و گلزار یہ دشت

تھی مشیت یہ خدا کی کہ گرے سجدے میں
ورنہ رکھ دیتے الٹ کے شہہ-ابرار یہ دشت

عصر تک اس نے سنی نیزہ و خنجرکی صدا
اب سنے گا کئی زنجیروں کی جھنکار یہ دشت

دیکھ نیزے پہ یہ سورج یہ سفر شام کا دیکھ
دیکھ یہ آہنی زنجیر یہ بیمار یہ دشت

شکر ہے ابن-علی آئے مسیحا بن کر
اپنے اندر تھا لئے کتنے ہی آزار یہ دشت
------
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
51
51

پیر ظفر کاظمی صاحب کی خصوصی شرکت:
۔۔۔۔۔۔۔۔۔۔۔۔۔۔۔۔۔۔۔۔
بارگاہِ امامت میں نزرانہؑ عقیدت
----------------------
نکہتیں پیکر معطر کرتی هیں جس خاک سے
وہ معلی هے جمال_ سینہ ء صد چاک سے

اے رسولوں کے امیں اے جانشین_ بوتراب
عزم هے بالا ترا هر فہم سے ادراک سے

هستی ء جاوید تیری قلعہ ء دیں کی فصیل
جس کے روشن راستے مربوط هیں افلاک سے

تو وہ مظلومی کا هے شہکار سب جن و بشر
ذکر کرتے هیں ترا تو دیدہ ء نمناک سے

دیکه کر پامال لاشہ رو کے عابد نے کہا
اے هواوء ڈهانپ دینا بے کفن کو خاک سے

هے ظفر کی آرزو یہ تجه سے وابستہ رهے
زیست هو اسکی مقدس تیرے ذکر_ پاک سے

.....
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
52
ہیوسٹن سے سیدہ حنا رضوی کا نوحہ
( بشکریہ احمر شہوار )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

غضب کی پیاس میں خالی رہا کوزہ سکینہ کا
لرز جاتا تھا دریا دیکھ کر چہرا سکینہ کا

کہاں عباس کو رن کی اجازت دیتے شہ لیکن
یہ جب دیکھا کہ مشکل ہوگیا جینا سکینہ کا

جو کُرتہ جل گیا تھا جب لگی تھی آگ خیموں میں
کفن کے وقت کام آیا وہی کُرتا سکینہ کا

تڑپ جاتی تھیں زینب دیکھ کر رخسار بی بی کے
طمانچے شِمر کے اور پھول سا چہرا سکینہ کا

کسی بچے کو پانی مانگنا اچھا نہیں لگتا
چچا مارے گئے کہتا ہے جب چہرا سکینہ کا

شہِ مظلوم یوں لب کھولتے تھے اس کے بارے میں
سکوں ملتا ہے پڑجائے جہاں سایہ سکینہ کا

ردا بھی چِھن گئی، گھر بھی جلا، پائی اسیری بھی
یتیمی نے تو چھلنی کردیا سینہ سکینہ کا

ہے تابوتِ سکینہ پر پڑی پھولوں کی اک چادر
کہیں بانو نے گوندھا تو نہیں سہرا سکینہ کا

حنا یہ میرا نوحہ روضۂ شبیر پہ پڑھنا
بہت دے گا صلہ تم کو سخی بابا سکینہ کا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
53
کینیڈا کی ہر دلعزیز شاعرہ سیما نقوی کا ہدیہٗ عقیدت:
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قلم سے خون کا دریا رواں ہے
یہ کیسی خونچکاں سی داستاں ہے

زمین کربلا روتی ہے اب تک
فرات اپنی جگہ گریہ کناں ہے

عزاداری ہے تو زندہ ہیں ہم بھی
حسینیت ہمارا دل ہے، جاں ہے

پڑھے کیا رحل پر قرآن کوئ
تلاوت جب سرِ نوک سناں ہے

صدائے العتش ہے آسماں تک
بڑی لمبی رہِ تشنہ لباں ہے

علمدارِ وفا کی شان دیکھو
کٹے شانوں پہ لشکر کی کماں ہے

شہادت ہے تری جاگیر اصغر
ذرا سا تیر ہی بس درمیاں ہے

وہ بچی آج تک سوئ نہیں ہے
سوئے زندان ہی جس کا مکاں ہے

کہا زینب کو سن کر شامیوں نے
علی سا بھی کوئ شعلہ بیاں ہے؟
Seema Naqvi
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
54
عطا تراب (امیج)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
55
سلامِ عقيدت بحضور امامِ عالی مقام حسين عليہ السلام

(از محترم بھائ "کوثر علی" ۔۔۔۔۔۔"لائیلپور")
تعاون: ذاکر حسین ضیائ

ذکر ِ کربل میں جو کاغذ پہ قلم کھینچتے ہیں
جسمِ مظلوم سے اک تیرِ ستم کھینچتے ہیں

تشنہ بچّوں کے بِلکنے کی صدا آتی ہے
کربلا جائیں تو ہم سانس بھی کم کھینچتے ہیں

کتنے آنسو ہیں ترے پاس ؟ بتا ! آب ِ فرات !!
ہم تو نسلوں سے شہنشاہ کا غم کھینچتے ہیں

پانی پیتے ہیں تو پیتے ہوۓ رٗک جاتے ہیں
پھر جو اک قطرہ بھی پیتے ہیں تو سَم کھینچتے ہیں

روز کہتے ہیں کہ ڈٹ جائیں یزیدوں کے خلاف
روز اک خواب سرِ دیدہؑ نم کھینچتے ہیں

کس قدر جبر میں زندہ ہیں کہ ہم سوۓ حسین
اک قدم جاتے ہیں اور ایک قدم کھینچتے ہیں

غمِ شبّیر میں یوں دل کو لیے پھرتے ہیں
تعزیہ جیسے عزادار بہم کھینچتے ہیں

اہل ِ کعبہ تو گۓ شام کے زنداں کی طرف
جانے کیوں لوگ ہمیں سوۓ حرم کھینچتے ہیں

بٗغض کا کرنا ہو اندازہ جہاں پر کوثر
نامِ شبّیر وہاں ہم ہمہ دم کھینچتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

56
جناب تنویر جمال عثمانی صاحب

مقصد یہی تھا آل پیمبر کے سامنے
جھکنے نہ دینگے دیں کو ستمگر کے سامنے

پانی کو منہ لگانا نہ اسکی دلیل ہے
پانی تو بے وقار ہے کوثر کے سامنے

کوہ جفا بھی ٹوٹ کے مسمار ہو گیا
شببر جیسے صبر کے پیکر کے سامنے

سب دشمن رسول تھے جو تھے ڈٹے ہوئے
میدان کربلا میں بہہتر کے سامنے

پیاسے گلے پہ تیر نے ثابت یہ کر دیا
باطل نے ہار مان لی اصغر کے سامنے

جو حامی ے یزید ہیں غور اس پہ کچھ کریں
محشر میں کیسے آیینگے حیدر کے سامنے

بنیادیں ہل کے رہ گیئں دربار شام کی
ہلتی بھی کیوں نہ حیدری تیور کے سامنے

چاہے کسی کا بخت ہو کتنا ہی تابناک
کچھ بھی نہیں ہے حر کے مقدّر کے سامنے

تنویر چاہے لاکھوں ہوں حامی یزید کے
اوقات انکی کیا ہے بہتر کے سامنے

تنویر جمال عثمانی
.....۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
57
رضا تونسوی صاحب کا تازہ ترین،سلام بحضور امام علیہ الصلواۃو السلام ،
بشکریہ ذی شان سید:
.
پسر ! پسر ! ید_بیضا بڑھا چراغ بجھا
بشر ،چراغ کے مشکل کشا چراغ بجھا
.
سکوت_غار میں گونجی صدا جلاؤ چراغ
سکوت_دشت میں پھر وہ صدا چراغ بجھا
.
اس ایک کام کے اوپر ھے ایک کام تجھے
اسی دھوئیں سے ابھی حق جلا چراغ بجھا
.
وہ جس زبان کے الہام نے لیے بوسے
اسی زبان نے مجھ کو کہا چراغ بجھا
.
یہ کس طرف سے سر _طور ھے جواب آیا
کہ پہلے کرب و بلا پھر دعا چراغ بجھا
.
حجاب_شب میں پڑھے راز ہاۓ ذبح_عظیم.
میرے خلیل کو اکبر بلا چراغ بجھا.
.
کمال_کل سے کلام_فراق سنتے ھوۓ
کسی کی آس بجھی دل بجھا چراغ بجھا
.
لسان_کن سے جہاں بھر کے دیپ بجھتے مگر
بس ایک سمت اشارہ کیا چراغ بجھا
.
.
رضا تونسوی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
58
سید وسیم نقوی (امیج)

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
59
پرویز ساحر صاحب کا تازہ سلام جو آج ہی مکمل ہوا:
-------------

سلام یا حُسَین ؐ !
کرے نہ کیوں زمانہ احترام ' یا حُسَین ؐ !
بَلنـــد تر ہــے آپ کا مقام ' یا حُسَین ؐ !

کب اَصغر و سکینہ کے لبوں تکــ آ سکا
فرات رہ گیا ہے تَشنہ کام ' یا حُسَین ؐ !

اُنہی دِنوں میں عام قتل و خُوں کِیا گیا
کہ جن دِنوں میں جنگ ہے حرام ' یا حُسَین ؐ !

یہ آپ کے کلام ِ خُوش اثر کا ہے کمال
کہ حُر بھی آپ کا ہُوا غُلام ' یا حُسَین ؐ !

تمام تَشنگاں نے جام نوش کر لیے
کہ جام بھی شہادتوں کے جام ' یا حُسَین ؐ !

ہر ایک شب کٹی تلاوت و سجُود میں
رہے ہیں آپ رب سے ہم کلام ' یا حُسَین ؐ !

جگہ جگہ بپا ہیں کربلائیں آج بھی
وہ کاشمِیر ہو کہ ویت نام ' یا حُسَین ؐ !

ہر ایک خیمے سے دُھواؑں سا اُٹھنے لگ پڑا
کہ ہو گئی ہے کربلا میں شام ' یا حُسَین ؐ !

ہر اک اِمام ِ وقت کو ہے اِس کا اعتراف
نہیں ہے آپ سا کوئی اِمام ' یا حُسَین ؐ !

یزید جیتے جی ہی اِس جہاں سے مِٹ گیا
دیا خُدا نے آپ کو دوام ' یا حُسَین ؐ !

کُھلا کہ یہ رباطِ دَہر جاے خُوش نہیں
یہاں پہ چند رُوزہ ہے قیام ' یا حُسَین ؐ !

کہِیں پہ ذکر آپ کا چِھڑا ہے جب کبھی
تَو مُجرئی یہ کہہ اُٹھے " سلام یا حُسَین ؐ ! "

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سلام گُزار :
( پرویز ساحِرؔ ' ایبٹ آباد ' پاک ستان )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
60
اسلام آباد سے ذی شان علوی کا نذرانہ:
----------------------
ظالم تُو ذرا دیکھ سہی اپنا نشانہ
تِیروں کے مقابل ہے محمد کا گھرانہ!

وہ پیاس کی شدت سے اکھڑتی ہُوئی سانسیں
وہ قہر کے دریا کے دروں آبِ روانہ

وہ جذبِ سماعت سے ابھرتی ہُوئی کرنیں
وہ خطبہء شبیر سرِ بزمِ شبانہ

ایک ایک کا دل شوقِ شہادت سے ہے لبریز
وہ عُمر میں چھوٹا ہو , بڑا ہو یا میانہ

ابلیس کے چَیلوں کی زباں مائلِ دُشنام
حوروں کے لبوں پر ہے حمیّت کا ترانہ

یہ ابنِ علی , ماہِ رسولِ عربی ہے
چاہے تو بدل سکتا ہے تقدیرِ زمانہ

ہے پاسِ مشیّت سو مشیّت کے امیں نے
مفہومِ حقیقت کو نہ دی شرحِ فسانہ

عُذرِ ستمِ کرب و بلا ڈھونڈنے والو
قتلِ علی اصغر کا بھی ہے کوئی بہانہ؟

مرقوم ہے یہ باب شہیدوں کے لہو سے
کربل تری تاریخ نہ بھُولے گا زمانہ

ذیشان مرے پاک اماموں نے سرِ دار
اُمت پہ لُٹایا ہے اِمامت کا خزانہ

ذیشان علوی

۔۔۔۔۔۔۔۔۔۔۔۔۔۔۔۔۔۔۔

61
سید منیف اشعر ملیح آبادی (ٹورانٹو) کا سلام
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بہ صدقِ دل ہی جو نازِ غمِ حُسین نہیں
تو پھر کوئی بھی جوازِ غمِ حُسین نہیں

نہ سنگِ دشت کہوں میں اسے تو کیا کہہ دوں
وہ دل کہ جس میں گدازِ غمِ حُسین نہیں

مری نظر میں تو پستی کا استعارا ہے
فلک وہ جس میں فرازِ غمِ حُسین نہیں

وہ کس اذاں پہ عبادت کا رخ کرے گا بھلا
جسے خیالِ نمازِ غمِ حُسین نہیں

سماعتیں مری مائل ہوں کیسے اُن کی طرف
کہ جن صداؤں میں سازِ غمِ حُسین نہیں

وہ دل جو شامِ غریباں پہ اشکبار نہ ہو
کسی طرح بھی مجازِ غمِ حُسین نہیں

ہے ذکرِ عالمِ احیائے دیں بہر عالم
کُھلا زمیں پہ ہی رازِ غمِ حُسین نہیں

اُسے کہاں سے ملے عظمتِ عزا اشعرؔ
جو دست بستہ ایازِ غمِ حُسین نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
62
ڈاکٹر صفی حسن( امیج ) 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
63
ارشد شاہین صاحب کا نذرانہء عقیدت:
---------------
سینے میں موجزن ہے الم اہلِ بیت کا
ٹھہرا ہوا ہے آنکھ میں نم اہلِ بیت کا

پاکی پہ ان کی آیۂ تطہیر ہے گواہ
کرب و بلا سے لے کے حرم اہلِ بیت کا

وارث ہیں اہلِ بیتِ مطہّر بہشت کے
کرتے ہیں ذکر شاہِ امم ﷺ ، اہلِ بیت کا

ان پر درود بھیجنا سنت خدا کی ہے
بھرتے فرشتگاں بھی ہیں دم اہلِ بیت کا

وقتِ وداع لب پہ تبسم کِھلا ہوا
دیکھے تو کوئی جاہ و حشم اہلِ بیت کا

کربل کے امتحاں میں سبھی سرخرو ہوئے
رکھا مرے خدا نے بھرم اہلِ بیت کا

صدقے میں ان کے آج بھی ٹلتی ہیں مشکلیں
جاری ہے مومنوں پہ کرم اہلِ بیت کا

کرتی رہے گی خلقِ خدا ذکر تا ابد
اونچا رہے گا جگ میں علم اہلِ بیت کا

اہلِ سخن وہ لائقِ تحسین و داد ہیں
تحریر کر رہے ہیں جو غم اہلِ بیت کا

ارشد ہے اعتراف کہ کوشش کے باوجود
غم مجھ سے ہو سکا نہ رقم اہلِ بیت کا

ارشد شاہین
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
64
برادرم رحمان فارس کا تازہ سلام

تمہیں خبر بھی ھے جو مرتبہ حُسین کا ھے ؟؟؟
فُرات چھیننے والو ! خُدا حُسَین کا ھے !!!

کوئی سدا نہیں روتا بچھڑنے والوں کو
ثباتِ رسمِ عزا مُعجزہ حُسَین کا ھے

ازل سے تا بہ ابد نُور کے نشاں دو ھیں
اک آفتاب ھے، اک نقشِ پا حُسَین کا ھے

جہاں بھی ذکر ھو، اشکوں کے گُل برستے ھیں
یہ احترام نبی کا ھے یا حُسَین کا ھے

ذراسا غور سے دیکھو اُفق کی سُرخی کو
فلک پہ خوں سے رقم سانحہ حُسَین کا ھے

مرے لبوں پہ بھلا خوفِ تشنگی کیوں ھو ؟
مرے لبوں پہ تو نعرہ ھی "یاحُسَین" کا ھے

ستارہ سحری جس کو لوگ کہتے ھیں
فرازِ عرش پہ روشن دیا حُسَین کا ھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
65
ہدیہِ عقیدت بحضور سید الشہداء
حضرت امام حُسینؑ
ذی شان سید
-------۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حمد سے والناس کی تفسیر کا بانی حُسینؑ
کاتبِ تقدیر کی تقدیر کا بانی حٗسینؑ

دے دیئے بیٹے کسی کو تو کسی کو پر دیئے
لوح پہ لکھی ھُوئی تقدیر کا بانی حُسینؑ

جُھک گئے سارے پیغمبر جب چڑھا نیزے پہ سَر
دہر میں اسلام کی توقیر کا بانی حُسینؑ

از سرِ نو کربلا میں زندگی بخشی جسے
مذھبِ اسلام کی تعمیر کا بانی حُسینؑ
ذی شان سید
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
66
امارات سے ڈاکٹر ثروت زہرا کا نذرانہء عقیدت:
---------------
نہیں ہے پیاسوں کا یہ امتحان پیاس کا ہے
براےء جام یہ سارا جہان پیاس کا ہے

سبو بہاےء کیا ہے خیال کو ثر سا
سر فرات یہ کیسا مکان پیاس کا ہے

نہیں وفا کا سفر کو ےء مشک و نیزہ تک
سوال کن کا گمان و گیان پیاس کا ہے

سر سناں کہاں ہونٹوں سے پھول جھڑ تے ہیں
یہ آ یتوں سے مہکتا مکان پیاس کا ہے

علم جو و قت کے سینے پہ گا ڑتا ٓ ہے کو یء
یہ شہر علم سے نکلا مکان پیاس کا ہے

میں دیکھتی ہوں یہ سیرابیء حیا ت و ممات
مگر تمھیں تو ابھی بھی گمان پیاس کا ہے ثر وت زہرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
67
نوجوان شاعر ڈاکٹر اسد شاہ کا سلام:
-------------
فخرِ صبر و رضا(ع ) کے کیا کہنے
سبط_خیر الورا(ع) کے کیا کہنے

فخرِ حیدر (ع)ہیں ثانئ زہرا ( ع )
ان کے صدق و صفا کے کیا کہنے

اسکی مٹی میں مشک_ابن_علی (ع)
دشتِ کرب و بلا کے کیا کہنے

خلق مولا علی (ع) کئے جس نے
اتنے پیارے خدا کے کیا کہنے

جس پہ آ جائیں فاطمہ زہرا ( ع )
ایسے فرش_عزا کے کیا کہنے

کاش خود جا کے کربلا سے کہوں
تیری باد_صبا کے کیا کہنے
Asad Shah
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
68
سائل نظامی کا بالکل تازہ سلام:
-----------

جائے مدفن گر مِلے مُجھ کو قریبِ کربلا
میں بھی ہو جاؤں یقیناً خوش نصیبِ کربلا

یہ بھی اِک معجز نمائی ہے مِرے سرکار کی
ہے امیرِ دوجہاں جو تھا غریبِ کربلا

خلد کے مالک یہاں ہیں جلوہ فرما رات دِن
خلد تک پہنچے بھلا کیسے کوئی "بے کربلا"

خاک بھی خاکِ شفاء جس کے قدم رکھنے سے ہو
ابنِ حیدر، سبطِ پیغمبر، طبیبِ کربلا

سائلِ چشت اور لکھے شاہانِ دُنیا کی ثناء؟
کیا یہ کم ہے؟ لوگ کہتے ہیں "ادیبِ کربلا"

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
69
احمد شہریار کا تازہ سلام:
۔۔۔۔۔۔۔۔۔۔۔۔
تازہ سلام
احمد شہریار
۔
۔

جی رہا ہوں میں ایک داغ کے ساتھ
مجھ کو نسبت ہے ہر چراغ کے ساتھ
۔
اک بہشت اور ہے بہشت کے پاس
ایک صحرا لگا ہے باغ کے ساتھ
۔
جارہا ہوں میں ان کے لشکر میں
اور پورے دل و دماغ کے ساتھ
۔
لوٹ آیا کنارِ دریا سے
تشنگی سے بھرے ایاغ کے ساتھ
۔
بڑھ رہا ہوں میں قتلگاہ کی سمت
نئی منزل، نئے سراغ کے ساتھ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
70
خرم خلیق  (امیج)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔


سلام
سید وصی الحسن نقاش
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بات شبیر کی گفتار میں رکھی ہوئ ہے
وجہ۔انکار بھی انکار میں رکھی ہوئ ہے

سامنے سے کبھی ہٹتی نہیں صبح۔عاشور
میں نے وہ دیدہ۔بیدار میں رکھی ہوئ ہے

دین۔حق جس سے شفایاب نظر آتا ہے
وہ شفا تو کسی بیمار میں رکھی ہوئ ہے

کربلا اسلئے نسلوں کی محافظ ہے مری
یہ کہانی میرے کردار میں رکھی ہوئ ہے

کوئ ظالم اسے اب کیسے مٹا سکتا ہے
کربلا قلب۔عزادار میں رکھی ہوئ ہے

دیکھ کر حْر کے مقدر کو یقیں یہ آیا
جرات۔حق بھی گنہگار میں رکھی ہوئ ہے

دھوپ میں بیٹھی ہوئ سوچتی ہیں اْم۔رباب
قتل گاہ سایہ۔دیوار میں رکھی ہوئ ہے

کربلا انکی مخالف ہے کے جن لوگوں نے
عزٌت۔نفس بھی دستار میں رکھی ہوئ ہے

فرق جو ڈھونڈھتے ہیں آج بھی خیر و شر میں
گفتگو ان سے تو بے کار میں رکھی ہوئ ہے

جانے کس دور۔خراباں میں پڑے ہیں نقاش
امن کی بات بھی تلوار میں رکھی ہوئ ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
72
کراچی سے محترمہ عنبرین حسیب عنبر کا سلام:
------------------
شبیر کو غرض تو فقط بندگی سے ہے
یہ تربیت جنابِ بتول و علی سے ہے

آیات ِ عصر ہو کے مجسم حسین ہیں
صبر و رضا کی حد ہے تو سبطِ نبی سے ہے

جاں سے گزر کے حق نے حقیقت بیان کی
باطل سمجھ رہا تھا بقا زندگی سے ہے

یہ دین ِ حق ملا تو نبی سے ملا ہمیں
اس دیں کی سروری ہے تو آلِ نبی سے ہے

سیراب جس نے دین ِ محمد کو کر دیا
دُنیا کو عشق آج بھی اس تشنگی سے ہے

باطل سے لڑ رہا ہے جو حق آج بھی کہیں
یہ عزم و حوصلہ یہ روایت اُنھی سے ہے

عنبریں حسیب عنبر
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
73
احمد حسین مجاہد صاحب (امیج)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
74
جنابِ اطہر جعفری صاحب کا سلام:
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سلام
وہ آشنائے رضائے یزداں...
وہ محرم _رازہائے یزداں...

سناں پہ کی تهی ثنائے یزداں...
یہ مجلسیں ہیں عطائے یزداں....

پلا بڑها تها مشیئتوں میں...
وہ جانتا تها رضائے یزداں...

وہ آفرینش سے منتظر تها...
کہ امتحاں ہے برائے یزداں...

وہ کیوں نہ بچوں کو لے کے جاتا..
منی سے ہی تهی صلائے یزداں...

وہ زیب_دوش_رسول_اکرم...
وہ زینت_حق نمائے یزداں...

حسین والو ، سنبهال رکهنا...
حسینیت ہے عطائے یزدان...

وہ ارجعی نفس_مطمئنہ...
تهی کربلا میں ندائے یزداں...

لرزتا کیسے وہ قلب _اطہر...
نہ دل میں کچه تها سوائے یزداں...

اطہر جعفری...
Athar Jaffri
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔


75۔
پروین سلطانہ صبا صاحبہ کا سلام:
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

موند کر آنکھ عریضے کو رکھا پانی پر
اور کھولی تو نظر آئی عطا پانی پر

یوں کٹے ہاتھ جری چھوڑ گیا پانی پر
لکھ گیا حشر تلک حرفِ وفا پانی پر

اِ س کو کہتے ہیں مودّت ، اِسے کہتے ہیں وفا
پیاسے رہوار نے منہہ بھی نہ رکھا پانی پر

جب بھی سقّائے سکینہ کا کہیں ذکر ہوا
سبز پرچم کوئی لہرانے لگا پانی پر

جن کو معلوم نہیں فرق ، حق و باطل میں
وہ سمجھتے ہیں ، ہُوا حشر بپا پانی پر

اے صبا جونہی سجایا گیا غازی کا علم
غم کے مشکیزے نے منہہ کھول دیا پانی پر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
76
مرزا قیصر مھدی کا سلام:

حسین ع سے جو شعور_ حیات پا کے چلے
زمانه انکے قدم سے قدم ملا کے چلے

سفینے جانب_ معبود جب دعا کے چلے
همارے اشک_ ندامت بھی سر جھکا کے چلے

هر ایک دور کے انساں کو روشنی دیں گے
چراغ کرب و بلا میں جو شه جلا کے چلے

مثال_ مهر_ درخشاں دمک اٹھے انصار
چراغ_ خیمه جو سبط_ نبی بجھا کے چلے

اندھیرے شام کے نور_ سحر میں ڈھلنے لگے
جو سوۓ شام قدم بنت_ مرتضی کے چلے

بهت اندھیری هے جاۓ قیام بعد_ حیات
بشر کو چاهیۓ شمع_ ولا جلا کے چلے

هے ماوراۓ خرد عظمت_ در_ زهرا (س)
یهاں فرشتے بھی آۓ تو سر جھکا کے چلے

یه که رهے تھے سر_ کربلا, علی(ع) کے چراغ
هوا سے کہہ دو ,ذرا هم سے بچ بچا کے چلے

پہنچ گۓ تھے کسی طرح لاش پر تو حسین ع
نه جانے کس طرح لاش_ پسر اٹھا کے چلے

هوا هے تیز ,اندهیرے هیں تاک میں قیصر
" چراغ لے کے کهاں سامنے هوا کے چلے"

مرزا قیصر مهدی
۔۔۔۔۔۔۔۔۔۔۔۔۔۔۔۔۔۔۔۔۔
77
سلام بہ حضور امام عالی مقام

شاہدہ حسن
-------------

کسی کی موت ،کسی کی بقا فرات کے پاس
ہوا تھا دہر میں اک فیصلہ ،فرات کے پاس

بڑھا تھا کوئی اگر حّدِ ظلم سے آگے
ہوئی تھی صبر کی بھی انتہافرات کے پاس

غضب کی پیاس میں طے کر لیا بہتّر نے
ثبات و شکر کا ہر مرحلہ فرات کے پاس

مسافرانِ وفا ڈھونڈتے ہیں اُن کے نشاں
کبھی رُکا تھا کوئی قافلہ فرات کے پاس

رکھا تھا آخری سجدے میں جب حسین نےسر
سمٹ گئے تھے یہ ارض و سما فرات کے پاس

بہا رہا ہے وہ دریا بھی آج تک آنسو
سنا رہی ہے ہوا مرثیہ فرات کے پاس

کُھلے سروں کی کہانی سنانے آتی ہیں
ہوائیں پھِرتی ہیں وحشت زدہ فرات کے پاس

عجیب طرح سے سیراب ہوگئے اصغر
کماں سے تیر ہوئے جب جدا فرات کے پاس

سلام اُس کی ضعیفی پہ جس کے اشکوں نے
جوابِ نامہّ صغرا لکھا فرات کے پاس

حسین آپ کے روضے کی رونقوں کو سلا م
مگر وہ گھر کے جو ویراں ہوا فرات کے پاس

نیا زمانہ نئے معرکوں سے ڈرنے لگا
بُلا رہی ہے نئی کربلا فرات کے پاس

دعا کو ہاتھ اُٹھائیں بنامِ یادِ حسین
چلو بچھائیں یہ فرشِ عزا،فرات کے پاس
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
78
احمد رضا راجہ کا ھدیۂ عقیدت:
-----------------------------

سلام بر کربلا
۔۔۔۔۔۔۔۔۔۔۔۔۔۔
ھیں عجب تیرے نگینے ، کربلا
ایک سے اِک ھے حُسیِن ِ کربلا

ھے دُعَا ، پہلے زیارت ھو تری!
پھر ، چلا جاؤں مدینے ، کربلا

خیمہ گاہ ِ مذہب ِ غم ، عشق ہے !
عظمت ِ حُرمت ھے دین ِ کربلا

چشم ِ گِریہ کے فرات ِ اشک پر
چل ، مرے دل کے سفینے، کربلا

تَا ابَد ، آباد رکھی جائے گی !
فصل ِ خُوں سے سَر زمین ِ کربلا

تُو نے تَو دیکھے ہیں ، کار ِ عشق میں!
گھر جَلَوں کے سب قرینے ، کربلا

ہر قتیل ِ کربلا ہے آفتاب !
ہر شہادت مَہ جبین ِ کربلا
۔۔۔۔۔۔۔احمد رضا راجا۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
79
نوجوان شاعر نعیم رضا بھٹی کا نذرانہٗ عقیدت
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ان سا بیدار نظر نور_طلسمات کہاں،
جز حسین ابن_علی کشف و کرامات کہاں

تا ابد لکھا رہے گا لب_دریاۓ فرات،
کوفۂ مرگ کہاں عزت_سادات کہاں

دیکھ لو کتنا تفرق ہے مقابل ان کے،
خوگر_ظلم کہاں عشق_مہمات کہاں

مدحت_آل_رسول_عربی کیسے ہو،
لغت_عالم_فانی کی یہ اوقات کہاں

تا ابد سر بہ گریبان رہوں گا لیکن،
ان کے احوال سے بڑھ کر میرے صدمات کہاں

نعیم رضا بھٹی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
80
عائشہ بیگ عاشی کا تازہ سلام ۔۔۔۔۔

۔۔۔۔۔۔۔۔۔۔۔۔۔۔۔۔
بصد خلوص و عقیدت اور احترام سلام
نبی کے دیں کے محافظ مرے امام سلام

تِرے لہُو سے فروازاں ہے حرفِ امرو نہی
تِرے وجود سے قائم ہے یہ نظام سلام

نہ کر سکا کوئی ، جیسے حسین تُو نے کیا
رکوع، سجدہ، تشہُّد، وضو ، قیام، سلام

کِیا وہ صبر کہ لوح و قلم بھی حیراں تھے
تھی تیرے ہاتھ میں اُس وقت کی زِمام سلام

کہاں پہ ہوتا یہ اسلام، تُو جو جھک جاتا
کٹا کے سر کو دیا، دین کو دوام سلام

زمیں کا عرش کا پانی کا نوعِ انساں کا
ہواؤں اور فضاؤں کا صبح و شام سلام

اُٹھایا سوچ کے میں نے قلم جو نامِ حسین
تو اشک اشک نے عاشی لکھا سلام سلام
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
81
سجاد بخاری صاحب کا سلام
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ضوفشاں صرف نہیں میرے خیالوں کے چراغ
"خونِ شبیر سے روشن ہیں زمانوں کے چراغ"

مجھ سا نا دیدہ بھی جانے ہے غمِ سیّد میں
اشک بہتے ہیں تو جلتے ہیں نگاہوں کے چراغ

یہ الگ بات کوئی پاس اندھیرے رکھے
معتبر آج بھی ہیں حر سے غلاموں کے چراغ

کربلا ، خاک تری کیوں نہ جبیں پر رکھوں
تیری آغوش میں ہیں میرے اماموں کے چراغ

ہے فقط کربلا والوں کی عنائیت ورنہ
راہ دکھلاتے کسے آج سپاروں کے چراغ

قافلہ کوفہ سے جب شام کی جانب نکلا
رہنما بن کے چلے ساتھ اسیروں کے چراغ

میں نے جب ذکرِ حسین ابنِ علی چھیڑ دیا
خود بخود بجھنے لگے سارے یزیدوں کے چراغ
سجاد بخاری
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
82۔
محمد علی حسین کا نذرانہء عقیدت:
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سلام
فروغ ـ عالم ـ ہستی میں بندگی کا کمال
اس ایک سجدے میں پنہاں ہے آدمی کا کمال

یہ روز و شب کی چکا چوند کچھ نہیں دے گی
حصول ـ رزق ـ شہادت ہے زندگی کا کمال

جہاں پہ کوثر و تسنیم سر کو خم کر دیں
وہ خشک لب کا تبسم ہے تشنگی کا کمال

وہ ایک ایک قدم منزل ـ شہادت کا
دکھا رہا تھا زمانے کو آگہی کاکمال

جہاں میں حقؔ ـ رفاقت نبھانے والوں میں
حبیب ابن ـ مظاہر ہیں دوستی کا کمال

ورائے فہم ہے یوں حر کا اس طرف آنا
پھر اس کے آنے پہ اس وقت اک سخی کا کمال

دوام جس کو ملا مقصد و مراد کے ساتھ
وہ کرؔ و فر کے مقابل میں سادگی کا کمال
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
83
محترم واجد امیر صاحب(امیج)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
84
ایبٹ آباد۔ ہزارہ کے ثقہ اور بزرگ شاعر ریاض ساغر صاحب کا ہدیہء عقیدت:

لہو میں ڈوبی ہوئ اک صدا بلاتی ہے
چلو چلو کہ ہمیں کربلا بلاتی ہے

ہے جزب اصغر بے شیر کا لہو جس میں
وہ ریت،ریت پہ چلتی ہوا بلاتی ہے

وہ شام غم کی سیاہی جلے ہوےء خیمے
مخدرات کی لٹتی ردا بلاتی ہے

فرات لیتا ہے لہریں ہماری آنکھوں میں
کوئ صدا ہمیں سوےء عزا بلاتی ہے

سنان و نیزہ و شمشیر و برش خنجر
شہادتوں کی سجیلی ادا بلاتی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
85
سید رضی محمد صاحب کا تازہ سلام:
۔۔۔۔۔۔۔۔۔۔۔۔۔۔۔
یکم محرم ۱۴۳۷ کی شب کو کہا گیا نیا سلام:
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تشکیک ہوں ہزار، اگر کربلا نہ ہو
الجھن ہو بار بار، اگر کربلا نہ ہو
۔
باطل لباسِ حق میں کھڑا ہے جو چار سو
کیسے ہو آشکار، اگر کربلا نہ ہو
۔
وہ وہ ہیں دام راہ میں ترغیب و خوف کے
ہو جائیں ہم شکار، اگر کربلا نہ ہو
۔
لے جائے ہم کو نفس ہی بھٹکا کے سوئے نار
کم سے کم ایک بار، اگر کربلا نہ ہو
۔
دستورِ حق کی لشکرِ حق کو تلاش ہے
کیسے ملے گا یار، اگر کربلا نہ ہو
۔
ہر ہر قدم پہ کون سکھائے گا پھر ہمیں
انسانیت سے پیار، اگر کربلا نہ ہو
۔
بعدِ نبی کے گر مری فہرستِ عشق میں
افسوس بے شمار، اگر کربلا نہ ہو
۔
حد ہے کہ ایک چھوڑ کے شاید کئی خدا
کرنے لگوں شمار، اگر کربلا نہ ہو
۔
جو آپ کو رضی کی محبت پہ ناز ہے
کیسے ہو پائیدار، اگر کربلا نہ ہو
۔۔۔۔۔۔۔۔۔۔۔۔۔۔۔۔۔۔۔۔۔۔۔

86
شکیل جاذب صاحب کا سلام:
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تازہ سلام بحضور امامِ عالی مقام

بس کُشتگانِ راہِ ابد گیر کر گئے
دشتِ بلا کی خاک کو اکسیر کر گئے

صدیوں سے جسکی ہمّتِ انساں تھی منتظر
وہ کام حق کی راہ میں شبّیر کر گئے

اک خیمہِ جمال کے بجھتے ہوئے چراغ
راہِ وفا میں روشنی تحریر کر گئے

عبّاس اپنے بازو کٹا کر لبِ فُرات
باطل کے دستِ ظلم کو زنجیر کر گئے

جو تیر کربلا میں چلے تھے حُسین پر
دراصل مُصطفےٰ (ص) کا جگر چیر کر گئے

آنکھوں میں اشک چاک گریباں سروں پہ خاک
کرب و بلا کے تذکرے دلگیر کر گئے

جاذب، حُسین معنیِ ذبحِ عظیم ہیں
جو خوابِ ابراہیم۴ کو تعبیر کر گئے

(شکیل جاذب)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
87
دلاور علی آذر کا سلام:
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کچھ بھی نہیں فرات ہماری نگاہ میں
پانی کا شور دَب گیا مِٹی کی آہ میں

اِک روشنی چلی تھی اندھیرے کے بیچ و بیچ
اِک فیصلہ ہُوا تھا سپید و سیاہ میں

اول سے مجھ فقیر پہ اُن کا کرم رہا
مَیں گھوم گھام کر نہ گیا بزمِ شاہ میں

خیمے سے چل پڑی ہے یہ معصوم بے رِدا
رکھے خدا سکینہ کو اپنی پناہ میں

فرصت مِلے جو شَر سے تو ماتم کدے میں بیٹھ
تجھ پر بھی اصلِ چہرہ کُھلے رزم گاہ میں

آنکھوں سے اب گُذرتے ہیں اشکوں کے قافلے
موتی پِرو دیے ہیں کسی نے نگاہ میں

تجھ یاد کی ہَوا نے ہی کاڑھے بدن پہ پھول
گھیرے ہوئے تھے جسم کو کِتنے ہی واہمے

صحرا نے اپنی آگ بجھائی ہے خون سے
مشکیزہ کیوں اُلٹ گیا پیاسوں کی راہ میں

کیسے یہ جاں کَنی کا سفَر طے ہو زندگی
پڑتی ہے کربَلا ہمیں جنت کی راہ میں

اے آسماں تو اب بھی ہو نالاں تو کیا کریں
ہم جیسا کوئی ایک تو لا کر دکھا ہمیں

نا حق و حق دست و گریبان ہیں مگر
اُٹھتا نہیں ہے آج کوئی حُر سپاہ میں

آنکھوں کو سرخ دیکھ کے حیراں ہو کس لیے
رکھا گیا ہے رنج ہماری کلاہ میں

صد شکر مدحتِ شہِ اول ہوئی نصیب
ورنہ میں پہلا فرد تھا فردِ سیاہ میں

مَیں نے کِیا قصیدہ بہ نامِ علی رقَم
آزَر مجھے بھی لے چلیں اُس بارگاہ میں

دلِاوَر علی آزَر
۔۔۔۔۔۔۔۔۔۔۔۔۔۔۔۔۔۔۔۔۔۔۔
88
توقیر عباس کا تازہ سلام:
َََ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہر آنکھ اشکبار، ہوا سوگوار ہے
آثار غم کے ہیں کہ فضا سوگوار ہے

گھولی ہیں کس نے دشت میں اتنی اداسیاں
دل سوگوار دل کی فضا سوگوار ہے

ہر ساز ہے خموش تو نغمے اداس ہیں
مطرب ہے غم زدہ تو نوا سوگوار ہے

اس دل کے آس پاس اندھیرے کا ہے ہجوم
یوں لگ رہا ہے جیسے دیا سوگوار ہے

جی چاہتا ہے بین کروں خود کو نوچ لوں
ماحول زندگی کا مرا سوگوار ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
89
سائیں منظور حیدر گیلانی مرحوم
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ذاکر حسین ضیائ کی معرفت۔۔۔۔۔۔۔

هزار شکوے مجھے دشت کربلا سے هیں.
فرات کا هے کنارا حسین پیاسے هیں.

جو "العطش" بھی نہ کہہ پائیں پیاس کی خاطر.
اے میرے ساقیء کوثر! ترے نواسے هیں .

سجی هوئی هے سر دشت بارگاہ حسین.
صفیں جمی هیں, رسولوں کے هاته کاسے هیں .

برهنہ پائی ,سفر,خون,اشک,تشنہ لبی.
همارے دامن دل میں بڑے اثاثے هیں.

غم حسین کہاں اور کہاں مری آنکهیں .
علی کی بیٹی! یہ آنسو تری دعا سے هیں .

سوال بیعت ظالم کا وہ جواب دیا.
حسین تیرے عدو اب بھی بد حواسے هیں.

جو سوچئے تو ان اشکوں میں غرق هو گا یزید.
جو دیکھئے تو یہ قلزم ذرا ذرا سے هیں .

سنیں گی کیا انھیں مردہ سماعتیں حیدر .
فضا میں آج بھی مولا کے استغاثے هیں .
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
90
سید عابد جعفری  (امیج )
۔۔۔۔۔۔۔۔۔۔۔۔۔۔۔۔۔۔۔۔۔۔۔
91
کراچی سے سید کامی شاہ کا نذرانہ
بغاوت امامِ عالی مقام ع:
--------
سرمئی صبح، سبھی دن کے اُجالے اُن کے
موجِ صحرا میں ابد خیز وہ گھوڑے اُن کے

صبر و نعمت کی بلندی سے تھی پہچان اُن کی
جبر کے دام پہ خنداں تھے ارادے اُن کے

وہ تو اک شام تھی رستے میں کہیں آ نکلی
سلسلے اور کسی دن سے جُڑے تھے اُن کے

کوئی سمجھا تھا کہ وہ باندھ چکا ہے پانی
کتنے دریا تھے جو قدموں میں بچھے تھے اُن کے

رنج سامانی فراہم ہے یہاں جن کے لیے
عہد و پیمان کہیں اور ہوئے تھے اُن کے

پیاس مفتوح ہوئی دشت میں دیکھا ہم نے
اپنے ہی خون سے ہوئے سرخ لبادے اُن کے

ایک اک کر کے سبھی قتل ہوئے گھر کے چراغ
ایک اک کر کے جلائے گئے خیمے اُن کے

سرخ رُو ہیں وہ خواتین، بزرگ اور جواں
اور سردارِ شہیداں ہوئے بچّے اُن کے!!!

سید کامی شاہ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
92
ابوظہبی سے جناب یعقوب تصور کا سلام:
---------------

بھول سکتا ہے کوئ احساں بھلا شبیر کا
دین کے سر پر ہے سر رکھا ہوا شبیرکا

سرخروئ دے گیا دینِ خدا کو حشر تک
چہرہء اسلام پر جب خوں لگا شبیر کا

پانچ وقت اللہ اکبر کی صدا ہی اصل میں
ہے زمیں سے آسماں تک تذکرہ شبیر کا

ہو گیا اسلام دائم بر مخیط کائنات
یوں ملا ہے مصطفی کو خوں بہا شبیر کا

کارِ ترویجِ نظام و انضباطِ دین میں
انبیاء سے کم نہیں ہے مرتبہ شبیر کا

تھےبہتر اسطرف اور اسطرف لاکھوں عدو
لےگیا پھر بھی تو بازی قافلہ شبیر کا

حشر تک اسلام و قرآں دونوں لافانی ہیں اب
یہ پیمبر کا نہیں ۔ ، ہے معجزہ شبیر کا

ہاتھ اٹھاتے ہی تصور خواہشیں آتی ہیں بر
جب بھی دیتا ہوں دعا میں واسطہ شبیر کا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
93
ڈاکٹر فہیم شناس کا سلام:
--------------
====سلام یا حسین ء====
-----------------فہیم شناس کاظمی------
مرے لہومیں ازل سے رواں دواں ترا غم
خدا کا شکر کہ ہے میرا سائباں ترا غم

تمام راستے میرے لیے کشادہ ہوئے
بسائے دل میں گیا ہوں جہاں جہاں ترا غم

کہیں پہ لاشہءاکبرؑ، کہیں علی اصغرؑ
کہیں جلا ہوا خیمہ، کہیں دھواں ترا غم

ہر اک جہان سمٹتا چلاگیااس میں
سمندروں سے زیادہ ہے بیکراں ترا غم

اسی لیے تو لرزتا ہے تیرے نام سے جبر
یزیدیت کے مٹاتا رہا نشاں ترا غم

ہوکوئی جبر کا موسم کہ صبر کا عالم
کہ میرے کام نہ آیا کہاں کہاں ترا غم
۔۔۔۔۔۔۔۔۔۔۔۔۔۔۔۔۔۔۔۔۔۔۔
94
جناب مظفر نقوی صاحب، محکمہ تعلیم سے ریٹائرڈ ہیں۔ استاد تھے۔ آج کل صاحب ِ فراش ہیں۔
دُعائے صحت کی درخواست کے ساتھ ان کا سلام ملاحظہ فرمائیں:
بشکریہ: قلبِ عباس کاظمی
-----------
پانی از: سید مظفر نقوی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حق نے زہرا ؑ کو دیا ،مہر میں سارا پانی
تاکہ ہر شخص پئے ، آپ کا صدقہ پانی

اسی مضموں نے، ہمیں چین سے سونے نہ دیا
کربلا کا ہے بڑا ایک حوالہ ،پانی

کتنی بے دردی سے ، امت نے بہایا رن میں
خونِ اولاد ِ پیمبر ﷺ کو بھی، سمجھا پانی

آلِ اطہار ؑ کی قبروں پہ جلائے نہ چراغ
نہ عقیدت سے مسلمانوں نے، چھڑکا پانی

ہو کے شرمندہ وہاں بہتی رہی، نہرِ فرات
نہ مگر خیمہِ اطہار میں پہنچا پانی

گر حسینؑ ابن علی ؑ اس کی اجازت دیتے
موسلا دھار گھٹاؤں سے برستا پانی

یہ طلب پانی کی، امت پہ تھی حجت، ورنہ
اہلِ حق نے کبھی باطل سے نہ مانگا پانی

حکم عباس ؑ جو دیتے کہ میرے ساتھ آجا
ہم رکاب آپ کے، پھر حکم پہ چلتا پانی

اب بھی لگتا ہے، کسی پیاسے کی ہے اس کو تلاش
ورنہ رک جاتا نہ دریاؤں میں، چلتا پانی؟

دشت میں ساقیِ کوثر کا ہو پیاسا کنبہ
پاس دشمن کے ضرورت سے زیادہ پانی

وہ اگر چاہتے، ذروں سے ابلتے دریا
ہر طرف آتا نظر، لوگوں کو صحرا پانی

لے کے چُلو میں، اسے پھینک دیا، دریا میں
رنگ عباس ؑ کے چہرے کا، تھا تکتا پانی

کربلا میں تو مسلمانوں میں، غیرت ہی نہ تھی
ورنہ اک بچے کو درکار تھا، کتنا پانی؟

پیاس کا ذکر، مظفرؔ نہ انہیں یاد رہا
قیدیوں نے کبھی رغبت سے، نہ مانگا پانی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
95
نرجس افروز صاحبہ کا سلامِ عقیدت:
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کوفہٗ عصر کی طاعت نہیں کرنے والی
زندگی، جبر کی بیعت نہیں کرنے والی

مجلس و ماتمِ شبیرؑ ہے دل میں برپا
ختم اس کو کوئی طاقت نہیں کرنے والی

دیکھ اے چشمِ فلک ریت پہ کِھلتے ہوئے پھول
زندگی پھر سے کرامت نہیں کرنے والی

ختم ہوجائے گا ان شام کی گلیوں کا سفر
رُوح پر طے، یہ مسافت نہیں کرنے والی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
96
سید کاشف حیدر کا سلام:

Kashif Haider

اشعار کی صورت میں یوں تصویر کی خوشبو
پھیلی ہے جہاں میں مری تحریر کی خوشبو

کہتے ہوئے آئے یہ فرشتے درِ شہہ پر
جنت میں کہاں روضہِ شبیر کی خوشبو

سجاد کے قدموں میں جلا پائی سو اب تک
آتی ہے رہِ شام سے زنجیر کی خوشبو

دنیائے شجاعت کی فضا اس سے ہے تازہ
ہنستے ہوئے چھ ماہ کے بے شیر کی خوشبو

حیدر کے مقابل ہی نہیں آتے تھے دشمن
ہوش انکے اڑا دیتی تھی شمشیر کی خوشبو

اے حر تری قسمت درِ شبیر پہ آیا
اب تک ہے فضا میں تری تقدیر کی خوشبو

آ دیکھ لے امت نے تری اے مرے نانا
روندی سرِ صحرا تری تصویر کی خوشبو

مانگی تھی درِ شاہ پہ سر اپنا جھکا کر
یوں ساتھ دعا کے گئی تاثیر کی خوشبو
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
97
محترم حسن عباس رضا صاحب کا سلام:
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دشتِ بلا کی کوکھ سے پُھوٹا پہلا ماتم
ابد گھڑی تک نامِ حُسینؑ پہ ہوگا ماتم

پھر نظروں میں نہرِ فرات کے منظر جاگے
پھر اشکوں کی صورت آنکھ سے برسا ماتم

لختِ جگر کی لاش پہ بھی ممتا نہیں روئی
کب دیکھا ہے چشمِ فلک نے ایسا ماتم

خواہش، چاند سے چہرے پر اک سہرے کی تھی
قسمت، جلتے خیمے،لہو، جنازہ، ماتم

عابدؑ سے بیمار کے پاؤں میں زنجیریں
اور زنجیروں کے ہر حلقے میں برپا ماتم

شہرِ طرب کی ساری فصیلیں نوحہ کناں ہیں
گلیوں گلیوں ، شامِ غریباں، گریہ، ماتم
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
98

پیر عتیق احمد چشتی کا شہزادۂ ولایت کے حضور سلامِ عقیدت:
----------------

ہر غم زدہ کے غم کا مداوا حسینؑ ہے
بے چارگانِ دہر کا چارا حسینؑ ہے

حق پروری کے باب میں یکتا حسینؑ ہے
سر دے کے جس نے دیں کو بچایا حسینؑ ہے

یکتا جسے خدا نے بنایا حسینؑ ہے
زلفوں سے مصطفی کی جو کھیلا حسینؑ ہے

مولیٰ علیؑ کی آنکھ کا تارا حسینؑ ہے
زہراؑ نے جس کو گود میں پالا حسینؑ ہے

ممنون ایک میں ہی نہیں ہوں حسینؑ کا
سارے جہاں پہ فضل خدا کا حسینؑ ہے

کچھ دامنِ عمل میں نہیں بس یہ ناز ہے
آقا حسینؑ ہے میرا مولیٰ حسینؑ ہے

جیسے علیؑ ہیں بابِ مدینۂ علمِ حق
غازیؑ وفا کا باب ، مدینہ حسینؑ ہے

زاہد کو اے عتیقؔ ، ہے اپنے عمل پہ ناز
میرا تو دو جہاں میں سہارا حسینؑ ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
99
احمر شہوار نارتھ کیلی فورنیا میں رہتے ہیں ۔ زیارات پر گئے ہوئے ہیں ۔ آج کاظمین سے ان کا سلام موصول ہوا:

سلام امام حسین علیہ سلام
احمر شہوار
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

قطرہ ؍اشک ہے جو دیدہ؍ نم میں موجود
آنکھ رہتی ہے یہ شبیر کے غم میں موجود

معجزہ ہے تری عاشورکی تنہائی کا
آج لاکھوں ہیں ترے صحن؍حرم میں موجود

مجلس ؍غم کا تقدس کوئی کیسے سمجھے
کتنے آنکھوں سے نہاں رہتے ہیں ہم میں موجود

مل کے ہر بار عزاداروں سے احساس ہوا
میرے اطراف یہی سب تھے عدم میں موجود

بس یہ رشتہ ہے جسے دہر میں حاصل ہے دوام
دیکھ وہ مشک؍ سکینہ ہے علم میں موجود

کا ش رہ جاۓ وہ اخلاص؍ عزائے شبیر
ہم میں تا حشر کہ جیسے تھا ؍قدم میں موجود

تشنہ لب رہ کے جو چلّو سے گرا دے پانی
اس قیامت کی وفا ہوتی ہے کم میں موجود

کس قدر شان سے نکلی تھی وطن سے زینب
زعم ؍عباس تھا خواہر کے بھرم میں موجود

فوج؍ ظلمت سے یہ کہتی تھیں سکینہ سن لو
ہیبت؍ شیر؍ خدا ہے مرے عم میں موجود

در سے خیمے کے لگے بیٹھے ہیں پیاسے بچے
ہوں گے سقاے سکینہ کوئی دم میں موجود

جانے کس طینت؍ وحشی سے بنا تھا ظالم
شمر کی ذات تھی ہر جور و ستم میں موجود

جس نے بھی آل ؍محمد کو اذیت دی ہے
ہم نے رکھا ہے اسے سب و شتم میں موجود

روشنی لکھتا ہوں شہوار پئے ذکر؍ حسین
روشنائی ہے فقط میرے قلم میں موجود

احمر شہوار۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔


۔۔۔۔۔۔۔۔۔۔