2014

30

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سیدہ ؑکی دعا عزا خانہ(عقیل عباس جعفری)

یہ ہے مجلسِ شہِ عاشقاں کوئی نقدِ جاں ہو تو لیکے آ (نصیر ترابی )

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایک سلام کے چند اشعار:

سیدہ کی دعا عزا خانہ
دین حق کی بقا عزا خانہ

میں نے مانگی تھی کوئی جائے اماں
دل سے آئی صدا عزا خانہ

اس کے گھر سیدہ ہوئیں مہمان
جس کے گھر میں سجا عزا خانہ

دل میں یاد حسین روشن ہے
اور ہوتا ہے کیا عزا خانہ

بھائی نے بخش دی ہے خاک شفا
اور بہن کی عطا عزا خانہ

ہر نفس ہو رہی ہے سینہ زنی
یہ مرا دل ہے یا عزا خانہ

اس کا نام و نسب کھلا سب پر
جس کسی کو کھلا عزا خانہ

میں عزادار ہوں شہ دیں کا
اور میرا پتا عزا خانہ

ہے مرے گھر کی زیب و زین عقیل
اک علم دوسرا عزا خانہ

۔ ۔ ۔ عقیل عباس جعفری
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔




.....................محترم ناصر ملک صاحب کا سلام

۔۔۔۔۔ سلام یا حسین ع ۔۔۔۔۔

مشاہدانِ رسا! کربِ نارسا کوئی ہے؟
عزا نصیب ! تمہیں فکرِ کربلا کوئی ہے؟

وہ العطش کی صدا پھر سنائی دی ہی نہیں
فرات پوچھ رہا ہےحُسین سا کوئی ہے ؟

یہ دشت دیکھتا رہتا ہے سرخ مہرِ جبیں
کہ روبروئے خدا،بندہءِ خدا کوئی ہے

نفس نفس میں شہادت کی جستجو کی دھمال
چراغ بجھ تو چکا ہے مگر اُٹھا کوئی ہے؟

رقم ہے فلسفہءِ صبر اور بقائے دوام
بجز حسین کے تاریخ میں لکھا کوئی ہے؟

(ناصر ملک)

— with Nasir Malik.

٭٭٭

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

31
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھکر سے نوجوان شاعر توقیر انیق کا سلام

سلام

کہتے ہوۓ غربت کی اذاں شامِ غریباں
افلاک پہ پھیلا ہے دھواں شامِ غریباں

شبّیرؑ نے مقتل میں پہنچتے ہی یہ دیکھا
تھی غازیؑ کےچہرےپہ عیاں شامِ غریباں

بازارمیں حتیٰ کہ کفن میں بھی رہی ہے
سجادؑ کی آنکھوں سے رواں شامِ غریباں

اےشمس تو کچھ دیرکوپردےمیں چلاجا!
ہونے لگی مجلس میں بیاں شامِ غریباں

لوگو سنو یہ حضرت شبّیرؑ نہیں ہیں
گویا ہے سر نوک سناں شام غریباں

توقیر انیق
— with Tauqeer Aneeq.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
32
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محترم ریاض ساغر صاحب کا سلام

سلام

ہے میرا شعر مری شاعری برائے حسین
کہ ان دنوں نہیں کچھ اور بس عزائے حسین

برونِ چشم سمندر ہے ایک اشکوں کا
لبوں پہ ایک صدا اور وہ ہے ہائے حسین

یزید اپنی ہی تاریکیوں میں ڈوب گیا
افق پہ عظمتِ انساں کے جگمگائے حسین

سنان و تیر و تبر اپنی کاٹ بھول گئے
اٹھا کے بچے کو جس وقت رن میں لائے حسین

یزیدِ عصر سے پیکار ہے ابھی باقی
فضا میں گونج رہی ہے ابھی صدائے حسین

امیرِ شام کو مدفن کی بھی جگہ نہ ملی
فرات و دجلہ و رے اب ہیں زیرِ پائے حسین

ریاض ساغر
— with Riaz Saghar.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
33
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سید منظر نقوی کا تازہ سلام
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
Syed Manzar Naqvi
حسینی لوگ تو باغ_وفا میں زندہ ہیں۔
جہاں کہیں بھی رہیں کربلا میں زندہ ہیں

ہوائے جبر میں مر جاتے تشنگی کے سبب
مگر حسین کی آب و ہوا میں زندہ ہیں

عزا کا فرش، یہ گریہ و ماتمی حلقے
حسینیت کی ابد تک بقا میں زندہ ہیں

غم_ حسین میں بہتے ہوئے شفق آنسو
وہ چشم_سید_زین العبا میں زندہ ہیں

وہ مومنین جو دنیا سے کوچ کر جائیں
حسین ابن_علی کی ولا میں زندہ ہیں

یزید_عصر کے لشکر ہوئے ہیں بلوہ صفت
یہ آج بھی اسی جوروجفا میں زندہ ہیں

جھنیں بھی ذکر_حسینی نصیب ہے منظر
دراصل عشق_شہہ_دوسرا میں زندہ ہیں

منظر نقوی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
34
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قبلہ عارف امام صاحب کا گریہ سے بھرپور سلام ملاحظہ فرمائیں

ہم بھی ہیں دیدۂ خوں بار کو دھونے والے
اس طرف دیکھ نئے زخم پرونے والے

کربلا تیرے مقدر کا ستارہ جاگا
آن پہنچے ہیں تری خاک پہ سونے والے

اب یہاں پر کئی شہکار نظر آئیں گے
آگئے دشت کی مٹی کو بھگونے والے

فصل گریہ نے عجب رنگ جمایا ہے یہاں
گھر سے گلیوں میں نکل آئے ہیں رونے والے

قتلِ شبیرؑ پہ دیتے ہیں مبارکبادیں
پشتِ بیمار پہ یہ نیزے چبھونے والے

کربلا فرشِ زمیں پر بھی فلک جیسی ہے
کام ہوتے ہیں یہاں سارے نہونے والے

دیکھ عباسؑ نے مشکیزہ اٹھایا ہوا ہے
دیکھ عباسؑ ہیں دریا کو ڈبونے والے
فقیرعارف امام
— with Arif Imam.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
35
۔۔۔۔۔۔۔۔۔۔۔۔۔۔۔۔۔۔اسلام آباد سے نوجوان شاعر احسان علی ملک کا ہدیہ عقیدت

وجہِ تخلیقِ کائنات حسین۴
رب ہی جانے تری صِفات حسین۴

جس کو قسمت سے ایک بھی نا ملا
اس کو تو نے دیے ہیں سات حسین۴

کام تیرے ہیں کام احمد ص کے
بات تیری ہے رب کی بات حسین۴

پھر کسی نے نہیں پڑھی ویسی
جیسی تو نے پڑھی صلات حسین۴

محسنِ دین ہے تُو تیرے بغیر
کیسے پوری ہو دینیات حسین۴

جس میں رب کو بھی اپنا عکس دکھے
ذات تیری ہے ایسے ذات حسین۴

احسان علی ملک
— with Ehsan Ali Malik.
۔۔۔۔۔۔۔۔۔۔۔۔۔۔۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
36
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہیوسٹن سے صاحبِ طرز شاعرہ تسنیم عابدی کا تازہ سلام:
جب تک نیا سلام نہ کہہ لیا، مجھے کچھ پوسٹ نہیں کرنے دیا۔ جزاک اللہ
۔۔۔۔۔۔۔۔۔۔۔۔
Tasnim Abidi
Shereen Abidi
رجاء عابدی

منتظر تیرے سدا عقدہ کُشا رکھتے ہیں
دلِ زندہ کے لئے حق سے وِلا رکھتے ہیں

گُھٹ کے مر جاتے ترا غم جو نہیں ہوتا نصیب
سانس لینے کے لئے تازہ ہوا رکھتے ہیں

لاشِ قاسم پہ یہ شبیر کی حالت دیکھی
جسم کے ٹکڑوں کو گٹھری میں اٹھا رکھتے ہیں

درِ خیمہ پہ کھڑے سوچ رہے ہیں سرور
ماں نے گر پوچھا کہ آغوش میں کیا رکھتے ہیں

وحشتِ دل نہ بڑھے عالمِ تنہائی میں
اس لئے قبر میں ہم خاکِ شفا رکھتے ہیں

فرشِ ماتم جو بچھاتے ہیں تو اس سے پہلے
فاطمہ کے لئے آنکھوں کو بچھا رکھتے ہیں

نوجواں سینے سے برچھی کو نکالا کیسے
ہائے کیا دولتِ تسلیم و رضا رکھتے ہیں

بس یہی اپنا ہے سرمایہ ہستی تسنیم
درمیانِ نفسِ بیم و رجا رکھتے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
37
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
38

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
امریکہ میں مقیم شاعرِ طرح دار سید وصی الحسن نقاش کا تازہ سلام:
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
Wasi Hasan
Syed Urfi Hashmi
شاہ کا جسکو غم نہیں ہوتا
اس پہ حق کا کرم نہیں ہوتا

موت سے جا کہ کوئ بتلادے
کربلا ميں عدم نہیں ہوتا

نہ ہو تحریر جس پہ یا عباس
کچھ بھی ہو وہ علم نہیں ہوتا

معجزہ یہ بھی اہلبیت کا ہے
جو وہ دے دیں وہ کم نہیں ہوتا

پڑھکے قرآن شہ نے بتلایا
سر ہمارا قلم نہیں ہوتا

آنسو لکھتے ہیں مرثیہ شہ کا
ہاتھ میں جب قلم نہیں ہوتا

ہم پہ اتنا ہے کربلا کا اثر
سر تو اپنا بھی خم نہیں ہوتا

ہم نے نقاش مر کے دیکھ لیا
عشق حیدر تو، کم نہیں ہوتا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
39
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مر رضا شہزاد کا تازہ سلام:
۔۔۔۔۔۔۔۔۔۔۔۔۔۔
Qamar Raza Shahzad
اگرچہ ذکر ترا دم بدم کیا میں نے
خیال پھر یہی آتا ہے کم کیا میں نے

فرات عصر پہ ظالم سے جنگ کرتے ہوئے
جو کٹ گیا وہی بازو علم کیا میں نے

مہکتے کیوں نہ گل سرخ میرے سینے میں
لہو کے سیل سے یہ دشت نم کیا میں نے

کمال یہ ہے کہ پھر بھیگتا گیا کاغز
کبھی جو پیاس کا قصہ رقم کیا میں نے

مجھے نہیں ہے کوئی اور غم خدا کا شکر
ہر ایک غم کو ترے غم میں ضم کیا میں نے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
40
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی سے محترمہ ثمینہ یاسمین کا تازہ سلام:
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
Samina Yasmeen

سلام بہ حضور امام عالی مقام ع

سبط _نبیﷺ سلام ، ابن علیؑ سلام
لاریب تو امام ، ابن علیؑ سلام

مکتب ہو رزم گاہ، اعلی ترا مقام
مولا میرے سلام، ابن علیؑ سلام

اے عاشقان_حق، اے فاتحان _ حق
حق ہے تمہیں دوام ابن علیؑ سلام

ہر نسل ، ہر زبان ، ہر عہد ، ہر مقام
تو ہے صدائے عام، ابن علیؑ سلام

میرے نبی کا نام ، دین _خدا کے کام
روشن ہوا کلام ، ابن علیؑ سلام

بے نسل بولہب، فاتح شہہ عرب
اے شاہ_خوش مقام، ابن علیؑ سلام

میرے نبی کی جان، میرے علی کے مان
نورالہدیٰ سلام، ابن علیؑ سلام


۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

41
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
25 September 2017 • 

سیدہ فاخرہ بتول کا تازہ کلام:
۔۔۔۔۔۔۔۔۔۔۔۔۔۔۔۔۔۔۔۔۔
Fakhira Batool Naqvi
( فخرِ یوسف شہزادہ علی اکبر ع )
-
معراج کے پردے میں علی ع بول رہا تھا
معصوم گواہی کا وہ در کھول رہا تھا
-
نہ آگ نہ مٹی نہ ہوا تھی نہ ہی پانی
اور وقت ابھی بننے کو پر تول رہا تھا
-
کُن لفظ کی تخلیق ابھی زیرِ نظر تھی
اور خالقِ کُن, کُن میں خرد گھول رہا تھا
-
آدم کی یہ قسمت کہ ہوا ماتھے پہ ظاہر
وہ نور تو وحدت میں بھی انمول رہا تھا
-
شبیر ع کے گھر اُترا تو اکبر ع کہا سب نے
وہ عرش پہ خالق کی زباں بول رہا تھا
-
-
( فاخرہ بتول نقوی)

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
42
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
25 September 2017 • 

عزائی شاعری کے حوالہ سے اختر عثمان کا نامِ نامی بہت ممتاز ہے ۔ سید منظر نقوی کے توسط سے ان کے مرثیہ سے کچھ بند شامل کر رہے ہیں:
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
Manzar Naqvi

اختر عثمان کے زیرِ طبع مجموعہ ''اشک آباد'' کے ایک مرثیہ "ورق_مکتب_ اقلیم_سخن کھلتا ہے" کے (12)بارہ بند۔

ورقِ مکتبِ اقلیمِ سخن کُھلتا ہے
صدفِ مُہر بدنداں کا دہن کُھلتا ہے
یک بہ یک نافہء آہوے خُتن کُھلتا ہے
باس اُڑتی ہے، درِ باغِ عدن کُھلتا ہے

فکرِ تاباں سے جِلا پا کے دمکتے ہیں نجوم
فلکِ فن پہ ہے مجلس کہ چمکتے ہیں نجوم

تابہ افلاک درخشاں ہیں طبق میرے لئے
قُرصِ مہتاب سے بنتا ہے ورق میرے لئے
سہل ہوتے ہیں مضامینِ اَدق میرے لئے
روشنائی کو اُترتی ہے شفق میرے لئے

حاشیہ بندیاں کرتی ہے شعاعِ خُورشید
سرِ قرطاس تصدّق ہے متاعِ خُورشید

وہ گداگر ہوں کہ قبل از طلب آتا ہے مجھے
مانگنے کا جو سلیقہ ہے، کب آتا ہے مجھے
بات کرنے کا فن آتا ہے، ڈھب آتا ہے مجھے
مرثیہ گوئی میں جو کچھ ہے سب آتا ہے مجھے

مَیں رواں جس پہ ہُوا ہوں روشِ عام نہیں
ہاں، عطا اور ہے ، انسان کا یہ کام نہیں

کوئی ہر گام پہ دیتا ہے تسّلی مجھ کو
کوئی رہ رہ کے دکھاتا ہے تجلّی مجھ کو
سب سمجھتے ہیں سُخن کا متولّی مجھ کو
فُصَحَا کہتے ہیں زیبا ہے تعلّی مجھ کو

کس کے ہاتھوں سے بھلا مصرعِ برجستہ بندھے
انوری جیسے یہاں آئے، گئے بستہ بندھے

مدّعی کون ہُوا ذکرِ شہِ والا کا
تاب کس کو کہ پڑھے مرثیہ اِس درجہ کا
لُطف ہے شبّر و شبّیر کا اور زھرا کا
مرتبہ بخشا ہے دریوزہ گرِ بابا کا

یہ شرف ذاکرہء رَب کے سوا اور کہاں
معجزہ حضرتِ زینب کے سوا اور کہاں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
43
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
25 September 2017 • 

پروفیسر سیدہ فرح شاہ صاحبہ کا تازہ سلام:
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
Farah Shah
Asad Shah
سلام بحضور سید الشہداء امام حسین السلام

وہ جس کا کوئی نہیں ہے وہ آۓ، پائے پناہ
حسین ابن ِعلی ہیں ہماری جائے پناہ

یہ ان سے پوچھیئے جن کا جہاں میں کوئی نہیں
وہی بتائیں گے تم کو یہ نکتہ ہائے پناہ

وہ ظلمتوں کے مناظر فلک نے دیکهے ہیں
مدام بین ہے اس کا کہ ہائے ہائے پناہ

بروزِ حشر بھی سر پر علم کا سایہ ہو
قبول کیجئے مولا یہ اِلتجائے پناہ

فرح امام_زمانہ کو ان کا پرسہ دیں
سروں کی خاک تھی جن کے لئے ردائے پناہ

سیدہ فرح شاہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

44
؎۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہماری بزم کے ایڈمن، ہمارے سرپرست، ہمارے معاون اسد علی اسد کا تازہ سلام:
۔۔۔۔۔۔۔۔۔۔۔۔۔۔۔۔۔۔۔۔۔۔۔
Asad Ali Asad
یہ بادَلوں کو ہوا مرثیہ سُنا رہی ہے
اُداس دشت ہے پیاسوں کی یاد آ رہی ہے

نظر میں معرکہءِ کم سُخن، دکھا رہی ہے
کمان، تیر کی روداد خود بتا رہی ہے

طوافِ خیمہءِ صبر و وفا کے بعد ہَوا
جبیں چراغ کی چوکھٹ پہ بھی جھکا رہی ہے

سمٹ کے آ گیا صحرا کہیں پہ قدموں میں
سمیٹ کر کہیں دریا کو، مشک لا رہی ہے

فُرات بازو بُریدہ سے جُھک کے کہنے لگی
ہر اک جری سے الگ ہی تری وغا رہی ہے

علم سے خوفزدہ تھی سپاہِ بَد جس کے
اُسی کے سَر کو علم کر کے خود اُٹھا رہی ہے

اِدھر جوان ۔۔ جگر میں لہو بڑھا رہا ہے
اُدھر سے وحشتِ دل برچھیاں بنا رہی ہے

وہ دیکھ کس طرح پیاسا ہے تیغ زن رَن میں
وہ دبدبہ ہے کہ خود کو اَجل بچا رہی ہے

ہر ایک موجِ فنا ہے کہ سَر پٹخ رہی ہے
اور ایک پیاسِ بقا ہے کہ مُسکرا رہی ہے

بھنور میں شام کے ڈوبا نہ یوں سفینہءِ لا
کہ اُس کا بادباں بن کر کوئی ردا رہی ہے

اُبھرتے دیکھے ہیں چھالے زمیں کے سینے پر
کہ شاہ زادی یہاں پر برہنہ پا رہی ہے

سبیلِ گریہ کی لذت سے آشنا ہے یہ پیاس
یہ وہ سبیل ہے جو تشنگی بڑھا رہی ہے

فلک سے دیکھا وَحی نے اسد تو چیخ پڑی
سناں پہ صبر کی آیت اُٹھائی جا رہی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
45
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آسٹریلیا سے سید عُرفی ہاشمی کا تازہ سلام:
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
Syed Urfi Hashmi
Wasi Hasan

جو بھی ہیں با وفا حسین کے ہیں
انبیا اور خدا حسین کے ہیں
-----
صرف اس فیصلے کا نام ہے حشر
ہم یزیدی ہیں یا حسین کے ہیں
-----
کیسے رکتا حسین کا پیغام
پھول' خوشبو' ھوا حسین کے ہیں
----
شب کے خیمےمیں جتنے سورج ہیں
حر نے ثابت کیا حسین کے ہیں
---
ظلم' دہشت ، جفا یزیدی ہیں
درد ' آنسو' دعا حسین کے ہیں
---
بال و پر اب ملیں گے فطرس کو
دست ہا ئے دعا حسین کے ہیں
-----
جتنے سجدے محافظ_ دیں ہیں
وہ سر_ کربلا حسین کے ہیں
-----
کافروں' مشرکوں کے لب پر بھی
نعرے لبیک یا حسین کے ہیں
---
خلد کے جتنے باغ ہیں عرفی
یا حسن کے ہیں یا حسین کے ہیں

٭٭٭٭

۔46
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔محترم جلیل عالی صاحب کا سلام:
۔۔۔۔۔۔۔۔۔۔۔۔۔۔۔۔۔۔
Jalil Aali
سلام
.
دامِ دنیا نہ کوئی پیچِ گماں لایا ہے
سوئے مقتل تو اُسے حکمِ اذاں لایا ہے

خونِ شبیر سے روشن ہیں زمانوں کے چراغ
شِمر نسلوں کی ملامت کا دھواں لایا ہے

فیصلہ حُر نے کیا اور حِرا نے دیکھا
جست بھرتے ہی اُسے بخت کہاں لایا ہے

آج بھی سر بہ گریباں ہے اُسی حُزن میں وقت
شامِ غربت سے جو احساسِ زیاں لایا ہے

گونج اِس گنبدِ گیتی میں ہے دَم دم اُس کی
اک بیاں وہ جو سرِ اوجِ سناں لایا ہے

وہ شہِ رنج و رجا ہے سو یہ اُس کا شاعر
نذر کو چشمِ رواں ، قلبِ تپاں لایاہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

47
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نئی نسل کے تازہ گو شاعر راحل بخاری کا سلام:
۔۔۔۔۔۔۔۔۔۔۔۔۔۔۔۔۔۔۔۔۔۔۔۔:
راحل بخاری
سینہ بہ سینہ نام ایک قریہ بہ قریہ نام دو
خلعتِ طوقِ شام ایک پہنے ہوئے امام دو

رونقِ عرشِ کبریا، سرخی ءِ فرشِ کربلا
محضر فیض عام ایک محور فیض عام دو

دوش نبی۴ پہ ہیں حسن۴ پشت نبی۴ پہ ہیں حسین۴
جلوہ ءِ خوش خرام ایک مظہرِ خوش خرام دو

منزلِ بے کساں جدا منزلِ کشتگاں جدا
ابنِ علی۴ کی شام ایک بنتِ علی۴ کی شام دو

دل ہمہ مست ہے شہا دم ہمہ پست ہے شہا
نسبت تشنہ کام ایک بگڑے ہوئے ہیں کام دو

راحل بخاری

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
48
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
علامہ سید نجم سبطین حسنی کا تازہ کلام:
۔۔۔۔۔۔۔۔۔۔۔۔۔۔۔۔۔۔۔
Syyed Najm Sibtain Hasni
سلام

کبھی سجود کی عمریں دراز کرتا ہے
کبھی سناں پہ قیامِ نماز کرتا ہے

کبھی بہ مہرِ نبوت کبھی بہ نوکِ سناں
حسین۴ دیں کو سدا سرفراز کرتا ہے

مرے حسین۴ ! اجل ناگوار ہے لیکن
ترا خیال اِسے دلنواز کرتا ہے

جہاں خمیر بہت پاکباز رھتے ھوں
غمِ حسین۴ وہیں ارتکاز کرتا ہے

نجات حر کیلئے جب بھی غیر ممکن ہو
درِ حسین۴ اُسے با جواز کرتا ہے

ھدایتوں کے مدینے چہار سمت بنیں
اسی لئے تو وہ ترک ِ حجاز کرتا ہے

اے بے حسی کے مریضو ھمارے پاس آو !
غمِ حسین۴ دلوں کو گداز کرتا ہے

وہ لاشِ جَون پہ روئے کہ لاشِ اکبر۴ پر
سخی حسین۴ کہاں امتیاز کرتا ہے ؟

قضا و قدر بجا ہیں مگر حسین۴ یہاں
مرے نصیب پہ مجھ کو مجاز کرتا ہے

نجم سبطین حسنی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
49
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اطہر جعفری صاحب کا سلام
۔۔۔۔۔۔۔۔۔۔۔۔۔۔۔۔۔
Athar Jaffri
شام اتری غریب صحرا میں.
روشنی تھی عجیب صحرا میں.

تھی رگ و پے میں تشنگی جبکہ.
نہر بھی تھی قریب صحرا میں.

جلتے خیموں کا اک الاو تھا.
روشنی تھی مہیب صحرا میں.

پا بجولاں تھا قافلہ اور تھا.
شور _آہن نقیب صحرا میں.

خاک ساری ہوئی ہے خاک _شفا.
کون آیا طبیب صحرا میں.

عصر _عاشور تھا مدینہ اداس
تھے خدا کے حبیب صحرا میں.

کربلا میں ہے ہر دعا مقبول.
کوئی ہے مستجیب صحرا میں.

نصرت _حق کے واسطے اطہر.
آئے تھے خوش نصیب صحرا میں.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
50
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان سے شاہد جعفر صاحب کا تازہ سلام:
۔۔۔۔۔۔۔۔۔۔۔۔۔۔۔۔۔۔۔
Ali Nazeer
Shahid Jafer

کم ظرف مورخ نے تضحیکِ صداقت کی
شاہی کی حمایت میں قرآں سے بغاوت کی

توحید کو خطرہ تھا، اسلام بھی زد پر تھا
شبیر۴ نے سجدے سے دونوں کی حفاظت کی

شاید کہ نہاں اس میں اک اذنِ حضوری ہو
اکبر۴ کی اذاں حُر نے کچھ ایسے سماعت کی

تا حشر ہے اب باقی عباس۴ نے جو لکھی
بہتے ہوئے پانی پر تاریخ شجاعت کی

دربار کو ویسا ہی لرزا دیا زینب۴ نے
جس لہجے میں زہرا۴ نے مسجد میں خطابت کی

وارث ہے پیمبر کا اور وارثِ کعبہ بھی
واللہ َفرزدَق نے کیا خوب وضاحت کی

زنجیر زنی ہو یا توضیحِ ولایت ہو
ہم نے تو عقیدے کی بھرپور حفاظت کی

میں وارثِ شبّر۴ ہوں سمجھا دیا قاسم۴ نے
پامالِ سُمِ اسپاں ہوکر بھی نیابت کی

زینب۴ نے بِنا کرکے مجلس کی قیامت تک
بنیاد رکھی شاہد اک طرزِ عبادت کی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
51
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کینیڈا سے معروف شاعرہ نسرین سید صاحبہ کا سلام:
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نسرین سید ہماری اس بزم کی ایڈمن بھی ہیں اور اللہ انہیں سلامت رکھے،اس کی نوک پلک سنوارنے میں بہت زیرکی سے کام لیتی ہیں۔
Nasreen Syed
۔۔۔۔۔۔۔۔۔۔۔۔۔۔۔۔۔۔۔۔۔۔۔

یہ سمندر سا جو پانی ہے مرے سینے میں
دشت نے پیاس بجھانی ہے مرے سینے میں

کفِ افسوس ملا کرتی ہے اک موجِ فرات
یہ جو اشکوں کی روانی ہے مرے سینے میں

سر برہنہ کوئی شہزادی ہے اور دل نے مرے
سبز چادر ، کوئی تانی ہے مرے سینے میں

پیاس لکھتے ہیں محرم میں مرے اشکِ رواں
تشنہ ہونٹوں کی کہانی ہے مرے سینے میں

تعزیت سے تری یہ بار نہ ہلکا ہو گا
ہے الگ سی، جو گرانی ہے مرے سینے میں

یہ جو اک موج ، لہو بن کے ہے آنکھوں سے رواں
کوئی تو رنجِ نہانی ہے مرے سینے میں

کوئی رقّت مجھے سر سبز رکھے ہے نسریں
اس کی رحمت کی روانی ہے مرے سینے میں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
52
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سید ذوالفقار نقوی صاحب کی شرکت:
۔۔۔۔۔۔۔۔۔۔۔۔۔۔
Zulfiqar Naqvi
ہو بہو ہے مرتضی، مشکل کشا ، آنے تو دو
کفر کا سر تن سے کر دے گا جدا، آنے تو دو

منتظر ہیں کربلا والے کہ لے گا انتقام
خون _ اصغر کہہ رہا ہے بر ملا ، آنے تو دو

سب خباثت دہر سے مٹ جائے گی اک آن میں
وارث _ تطہیر و شان _ انما آنے تو دو

ظلم کا ہر اک تھپیڑا سر نگوں ہو جائے گا
کشتی ء دین _ مبیں کا نا خدا آنے تو دو

مات ہو جائیں گے یکسر وقت کے سارے یزید
وارث _ خیبر شکن، دست _ خدا آنے تو دو

حق کا طوطی پھر سے بولے گا زمانے میں مدام
با ہنر ، با اختیار و با صفا آنے تو دو

ہر کوئی سودا بکے گا عدل کی میزان پر
ہو کے صیقل ذوالفقار _لا فتی آنے تو دو

ذوالفقار نقوی، جموں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
53
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔لاہور سے توقیر عباس کی شرکت:
۔۔۔۔۔۔۔۔۔۔۔۔۔۔۔۔۔۔۔
Tauqir Abbas
دیارِ غیر میں بھی ہے قرارِ جاں کی طرح
غمِ حسین۴ ہے میرے لئے مکاں کی ظرح

زمانہ ترک بھی کرتا تو کس طرح کرتا
غمِ حسین۴ تو ہے مادری زباں کی طرح

یہ آنکھ دیر لگاتی نہیں وضو کرتے
ہے کربلا کی کہانی اسے اذاں کی طرح

میں پانیوں کے بہائو میں بہہ رہا تھا کہ پھر
طلسمِ ذکر کھلا مجھ پہ بادباں کی طرح

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
54
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
توقیر تقی کا تازہ سلام:
۔۔۔۔۔۔۔۔۔۔۔۔۔
Touqeer Taqee
دکھائے شاہ نے ہر ایک کو مقامِ نجات
کسی کو صبحِ شہادت کسی کو شامِ نجات

ہم اہلِ حرص کے نرغے میں آ گھرے تھے مگر
کسی نے چن لیا ہم کو بہ اہتمامِ نجات

مقامِ مہرِ نبی پر نشست کرتا ہوا
ادھر امامِ کرم ہے ادھر امامِ نجات

ہم اس سبیلِ موَدّت پہ گامزن ہیں جہاں
یقین ہاتھ سے جائے نہ اب زمامِ نجات

ہم ایک اشک سے کرتے ہیں سب منازل طے
ہمارے جیسا نہیں کوئی تیزگامِ نجات

کلیدِ بابِ اثر ہے ہر ایک حرف اس کا
ہمیں صحیفہء سجّاد ہےکلامِ نجات

ہیں یوں بھی شافعِ محشر سے متّصل توقیر
نمازِ مجلسِ شبّیر ہے نظامِ نجات

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
55

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
الطاف بخاری
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
56
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈاکٹر ثروت حسین رضوی صاحبہ کا سلام جو مدینہ منورہ میں کچھ روز پہلے لکھا گیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
Dr. DrSarwat Hussain Rizvi
کل شب مدینہ کے ٹرانزٹ قیام کے دوران لکھا گیا کلام....

جو دل میں رنج تھا سب کہہ دیا مدینے میں
حسین ع امام کا پرسہ دیا مدینے میں

سلام نوحہ و گریہ بصّد خلوص دل
رسول ص پاک کو ہدیہ کیا مدینے میں

لگا کہ جیسے میں رحمت کی چھاؤں میں آئ
جہاز میرا جو کچھ پل رکا مدینے میں

صدا بقیعہ سے ہائے حسین کی آئ
بتول س پاک کا گریہ سنا مدینے مہں

مجھے یقیں ہے دعاؤں کی باریابی کا
سنا گیا ہے مرا مدعا مدینے میں

کلیجہ تھام کے صغرا زمیں پہ بیٹھ گئیں
ہوئ ہے سرخ جو خاکِ شفا مدینے میں

لگا کہ جیسے ملائک ہیں گریہ کن ثروت
وہ شور گریہ و ماتم سنا مدینے میں

ڈاکٹر ثروت رضوی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
57
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خالد خواجہ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
58
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شارجہ ( عرب امارات) سے اپنے مخصوص لب و لہجہ کی شاعرہ ڈاکٹر ثروت زہرا کی ایک نظم:
۔۔۔۔۔۔۔۔۔۔۔۔۔۔۔۔۔۔۔۔۔۔
Sarwat Zahra
شعور کی کربلا سے
---------------
حسینؑ تنہا کھڑا ہوا ہے
فراتِ حق کی نڈھال موجیں
ہمارے ذہنوں کے ساحلوں پر
خود اپنے چہروں سے
منھ چھپائے ہوئے پڑی ہیں

ہماری فکروں کے سر د لاشے
زمینِ کربل کے زرد سورج کے
آبلوں سے اَ ٹے ہوئے ہیں
انھیں کفن بھی نہیں ملا ہے
حسین ؑتنہا کھڑا ہوا ہے

منافقت کے یزید اب تک
خیامِ شاہِ حرم پہ نیزے گرا رہے ہیں
اسیر زینبؑ کے آنچلوں کو جلا رہے ہیں
یہاں تلک کہ ہر ایک گودی میں آنے والا
عظیم سچ بھی بِلک رہا ہے
حسین تنہا کھڑا ہوا ہے

ہماری راتوں میں اب تلک اس
حرم کی شامِ غریب جیسا
ملال اور خوف جاگتاہے
ہمارے حرفوں کا سچ مقیّد،
ضمیر قیدی
کہیں سے ہم کو پکارتا ہے
حسینؑ تنہا کھڑا ہوا ہے
سو آﺅ ذہن وشعور کی کربلا سے
فرات ِ حق کے نئے دنوں کا
یہ آب لے لیں
کہ آﺅ ھل من کی اس صدا کا
جواب دے دیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
59
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سید ظہیر عباس صاحب کا سلام ( بشکریہ Aqeel Abbas Jafri(
........................
سلام
۔۔۔۔۔ سید ظہیر عباس

علم عبّاس کا آیا نظر دشمن کے لشکر میں
صفیں سب ہو گیں زیر و زبر دشمن کے لشکر میں

اک اطمینان قلبی ہے دل اصحاب مولا میں
نہیں ہے مضطرب کوئی مگردشمن کے لشکر میں

وہ جن کے نور سے ہے خیمہ سرور میں تابانی
کہاں ملتے ہیں وہ شمس و قمر دشمن کے لشکر میں

یہی اعجاز ہے اصغر تمہاری مسکراہٹ کا
دکھائی دے رہی ہے چشم تردشمن کے لشکر میں

کوئی دیکھے ذرا زینب کے بیٹوں کی دلیری کو
بڑھے جاتے ہیں بے خوف و خطردشمن کے لشکر میں

شب عاشور بھی صبح سعادت تک رکی رہتی
کوئی حراور بھی ہوتا اگر دشمن کے لشکر میں

فراز نوک نیزہ کو بھی جو منبربنا ڈالے.
کبھی جھکتے نہیں دیکھا وہ سر دشمن کے لشکر میں

ظہیراس طور لکھنا چاہتا ہوں میں کہ جب میرا
قلم قرطاس پرہواور اثردشمن کے لشکر میں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
60
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سید شاہ میر رضا زیدی کا سلام:
۔۔۔۔۔۔۔۔۔۔۔۔۔۔۔۔۔
Syed Shahmeer Raza Zaidi
لحد میں بھی رٌلائے جا رہے ہیں
ستم زہراؑ پہ ڈھائے جا رہے ہیں

جہاں نیزے چلائے جا رہے ہیں
وہیں سینے سجائے جا رہے ہیں

علیؑ کی بیٹیاں۴ خیموں میں ہیں اور
لعیں خیمے جلائے جا رہے ہیں

جنہیں سورج کبھی نہ دیکھ پایا
سرِ بازار لائے جا رہے ہیں

یہیں سے جاۓ گی زہرا۴ کی بیٹی۴
تبھی رستے سجائے جا رہے ہیں

یہ اک گٹھڑی میں کیا لائے ہیں سرور۴
جسے قاسمؑ بلائے جا رہے ہیں

سرِ شبیر۴ اور زینبؑ کی چادر
سرِ نیزہ اٹھائے جا رہے ہیں

تماشائی سبھی رستے میں ہیں اور
حرم چہرے چھپائے جا رہے ہیں

جو کانٹے راہِ حیدرؑ سے بچے تھے
وہ کربل میں بچھائے جا رہے ہیں

جسے شبّیرؑ نے پالا تھا اسکو
تمانچے بھی لگائے جا رہے ہیں

جہاں بوسہ محمدﷺ نے دیا تھا
وہیں خنجر چلائے جا رہے ہیں

علیؑ کے گھر کے بچّے جان دے کر
خدا کا دیں بچائے جا رہے ہیں

جو کُل انسانیت کے پیشوا ہیں
وہ پیشی پر بلائے جا رہے ہیں

کماں کی ،تیر کی آنکھوں میں آنسو
گلے، کہ مسکرائے جا رہے ہیں

لعیں ،غازیؑ کو تڑپانے کی خاطر
سکینہؑ کو رلائے جا رہے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
61
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ابو ظہبی سے یعقوب تصور صاحب کا سلام:
۔۔۔۔۔۔۔۔۔۔۔۔۔۔۔۔
Yaqoob Tassauar
صبح و مساء درون جاں ماحول ماتم حسین
یعنی شعار چشم و دل پیہم محرم حسین

احسانمند تا بہ حشردین محمدی مدام
تاریخ سازدوجہاں گار معظم حسین

قہر خزاں کی زد پہ تھا حسن بہار خلد دیں
شاداب و تازہ کر گیا اک آن میں دم حسین

یہ جو نمی سی رہتی ھے ہر شام اک فضاؤں میں
دنیا میں عام کرتی ھے رو کر ھوا غم حسین

جرءت شجاعت ایک سی وصف وفا بھی ایک سا
حیدر خدا کے شیر ھیں عباس ضیغم حسین

وعدہء طفلی یاد تھا ازبر تھادرس و قول جد
وجہ ثبات دیں ھوا عزم مصصم حسین

نوک سناں پہ بھی رھی جاری تلاوت محید
قرآں تھا درس اولیں دیں تھامقدم حسین

باران نور شش جہات نہج بشارت نجات
مشعل راہ دین حق ذات مکرم حسین

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
62
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
معروف شاعر رحمان حفیظ صاحب کا سلام:
۔۔۔۔۔۔۔۔۔۔۔۔۔۔۔۔
Rehman Hafeez
سلام
رحمان حفیظ
دورِ ابطال میں احقاق کا معیار حسین۴
دارِ ظلمات میں ہے مطلعِ انوار حسین۴

دل مصفٰی ، نظر آئینہ، سخن گوہر دار
زندگی کے لئے گنجینہء کردار حسین۴

یہ خوشی ہی تو مری زیست کا سرمایہ ہے
میرا منصب ہے کہ ہوں تیرا عزادار حسین۴

ہر زمانے میں جری کتنے ہوئے ہیں لیکن
فخر کرتی ہے ترے ہاتھ پہ تلوار ،حسین۴

دیکھ کر تیری شجاعت دمِ شمشیر زنی
یاد آتے ہی گئے حیدر کرار ، حسین۴

ہے یہ ماتم تری عظمت کی شہادت ورنہ
کون اٹھاتا ہے کسی اور کا آزار ! حسین۴

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
63
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محترم ظفر حسن رضا صاحب کا سلام

سلام بحضورِ امامِ عالی مقام علیہ السلام

کام تیرا لہو کر گیا ہے
دین کو سرخرو کر گیا ہے

یہ بھی اعجازِ تشنہ لبی تھا
دشت کو آبجو کر گیا ہے

خونِ مظلوم کا یہ اثر ہے
خاک کو مشکبو کر گیا ہے

عصرِ عاشور کا ایک سورج
روشنی چار سو کر گیا ہے

فیصلہ جنگِ کرب و بلا کا
ایک نازک گلو کر گیا ہے

باخدا، تُو ہی نوکِ سناں پر
راز کی گفتگو کر گیا ہے

ظفر حسن رضا
— with Zafar Hasan Reza.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
64
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔


۔۔۔۔۔محترم قمر چنیوٹی صاحب کا سلام

65
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محترم پروفیسر فرخ حسن راجا صاحب کا سلام

بشکریہ Ahsan Mujtaba

سرِ فرشِ عزا چہروں پہ نور آیا ہوا ہے
یہ مجلس ہے یہاں کوئی ضرور آیا ہوا ہے

وہی بڑھ بڑھ کے زنجیروں سے ماتم کر ریے ہیں
جنھیں اپنے عقیدوں پر غرور آیا ہوا ہے

نمازوں کا کرے تو ذکر مجلس میں زیادہ
کہ واعظ تیری نیت میں فتور آیا ہوا ہے

عَلَم ہاتھوں میں تھامے بڑھتے جاؤ سوئے منزل
بہت نزدیک مولا ع کا ظہور آیا ہوا ہے

سنو گر حیدری نعرہ زمیں سے آسماں تک
تو سمجھو اہلِ ایماں کو سرور آیا ہوا ہے

ہوا جو بزمِ مولا ع میں تمہارا ذکر فرخ
تو اربابِ سخن بولے حضور! آیا ہوا ہے

پروفیسر فرخ راجا (اسلام آباد)
— with Farrukh Hassan Raja.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
66
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محترم سید حسنین محسن کا سلام

بشر کے رُوپ میں اک ناخدا ہے صحرا میں
نبی (ص) کے دین کا مشکل کُشا ہےصحرا میں

تجھے خبر نہیں بن پانیوں کے پھولوں کی
کبھی تُو سخت دنوں میں گیا ہے صحرا میں

جلن سے دیکھ رہے ہیں بہشت کے گلزار
عجیب نور کاسبزہ کھلا ہے صحرا میں

یہ جس کی چھاؤں میں بیٹھے ہیں سب یہ دین کا پیڑ
علی۴ کے خون سےسینچا گیا ہے صحرا میں

سنا تھا دشت میں رستے سمجھ نہیں آتے
ہمیں تو اپنا پتا بھی ملا ہے صحرا میں

بڑا کریم ۴ ہے اک حُر کے فیصلے کے لیے
حسین۴ وقت کو روکے کھڑا ہے صحرا میں .

‎/سید حسنین محسن
— with Syed Hasnain Mohsin.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
67
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محترم احمد طلال آصف کا سلام

بشکریہ جناب Ashraf Yousafi

سلام بحضور امام ِ عالی مقام

قطرہ قطرہ حسین کا غم ہے
موج ِ دریا حسین کا غم ہے

میرے شام و سحر حسین سے ہیں
میری دنیا حسین کا غم ہے

حوض ِ کوثر پہ پوچھا جائے گا
کس کو کتنا حسین کا غم ہے

مجھ کو دنیا کے غم نہیں کچھ بھی
مجھ کو مولا حسین کا غم ہے

کربلا کو سبھی رواں ہیں مگر
میرا رستہ حسین کا غم ہے

اور بھی ہیں وسیلے بخشش کے
سب سے پہلا حسین کا غم ہے

اتنی ہے قربت ِ رسول میں جا
جس کو جتنا حسین کا غم ہے

زیست طوفان ِ نوح ہے احمد
اور سفینہ حسین کا غم ہے

احمد طلال آصف

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
68
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اظہر عنایتی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
69
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عرفان بارہ بنکوی ( جدّہ) کا نذرانہ:
۔۔۔۔۔۔۔۔۔۔۔۔۔۔۔
بشکریہ Sajjad Bukhari
بسم اللہ الرحمن الرحیم

صف_امام میں ، نام_حسین۴ زندہ ہے
زمیں پہ اب بهی ، پیام_حسین۴ زندہ ہے

بنے ہیں شاہ و سلاطین ، حصہء تاریخ
مگر جہاں میں ، دوام_حسین۴ زندہ ہے

وہ جس میں فہم و فراست کا اک خزانہ تها
کتب میں ایسا ، کلام_ حسین۴ زندہ ہے

سلام اپنا تاثر ، کبهی نہیں کهوتا
فضا میں اب بهی سلام_حسین۴ زندہ ہے

وہ عالیشان بہت محترم تهے اب بهی ہیں
وجود ان کا ، بنام_حسین۴ زندہ ہے

بہت ہی اعلی'مقام و نسب تهے وہ بیشک
یہی سبب ہے ، مقام_حسین۴ زندہ ہے

نظام کوئی بهی عرفان ، کب رہا قائم
مگر دلوں میں ، نظام_حسین۴ زندہ ہے

عرفان بارہ بنکوی - جدہ ، سعودی عربیہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
70
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نئ نسل کی شاعرہ شمامہ افق کا ہدیۂ عقیدت:
۔۔۔۔۔۔۔۔۔۔۔۔۔۔۔۔۔۔۔
Shumama Ufuq
نوکِ نیزہ پہ سر امام۴ کا تھا
اور سفر سیّدوں کا شام کا تھا

اماں فضّہ کا تھا نہ زینب۴ کا
بے ردائئ کا دکھ تمام کا تھا

ایک بیمار کے لیئے صدمہ
بے گناہوں سے انتقام کا تھا

قید سے بڑھ کے خوف زینب۴ کو
پارساؤں کے احترام کا تھا

شبِ عاشور کربلا میں ُافق
نوحہ جلتے ہوئے خیام کا تھا

شمامہ ُافق

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
71
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محترم آصف زیدی صاحب کا سلام

۔
باقی ہے خود خدا کی خدائی حسین علیہ السلام سے
زندہ ہے مصطفی صلی اللہ علیہ والہ وسلم کی بڑائی حسین علیہ السلام سے
۔
مشکور اس وجہ سے خدا ہے حسین علیہ السلام کا
باقی ہے اس کی فرمانروائی حسین علیہ السلام سے
۔
کرتا نہیں ہے بیعت باطل کبھی بھی حق
جاری ہے آج تک یہ لڑائی حسین علیہ السلام سے
۔
موسی علیہ السلام کو طور پر جو دکھائی نہیں دیا
نیزے پہ دے گیا وہ دکھائی حسین علیہ السلام سے
۔
جاتے ہیں وعدہ گاہ کی طرف اکبر جواں علیہ السلام
لٹتی ہے عمر بھر کی کمائی حسین علیہ السلام سے
۔
بڑھ بڑھ کے روک لیتے تھے اپنے قدم حسین علیہ السلام
اصغر علیہ السلام کی لاش اٹھ نہیں پائی حسین علیہ السلام سے
۔
مقتل سے یوں گزاری گئیں زینب حزیں سلام اللہ علیہا
رخصت بھی ہو نہ پائیں وہ بھائی حسین علیہ السلام سے
۔
رو رو کے جان دے دی سکینہ سلام اللہ علیہا نے شام میں
برداشت کر نہ پائیں جدائی حسین علیہ السلام سے
۔
آصف میرے یہ شعر نہیں ہیں مرا کمال
مجھ کو ملی یہ مدح سرائی حسین علیہ السلام سے
۔
فقیر سید آصف زیدی
— with Asif Zaidi.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
72
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محترم تبسم نواز وڑائچ صاحب کا سلام

شبِ غربت میں نئی رسمِ عزا جاری کی
جلتے خیموں نے شہیدوں کی عزداری کی

پرسہ دیتے تھے طمانچے کہیں رخساروں پر
طوق و زنجیر نے بیمار کی دلداری کی

سہمے بچوں کو دلاسے دئیے وحشت نے کہیں
بیکسی نے وھاں بیواؤں کی غمخواری کی

لا کے طیبہ سے محمد کے گلستانوں کو
مولا شبیر نے صحرا میں شجر کاری کی

میں تو اعجازِ سکینہ ھی کہوں گا اس کو
مشک بھی ایک علامت ھے علمداری کی

میرے اشکوں کو ملا اجرِ رسالت کا شرف
بے ھنر پر یہ ترے غم نے ھنر کاری کی

اشک و گریہ ، کبھی ماتم ، کبھی زنجیر زنی
زندہ رھنے کی تگ و دو تو بہت ساری کی

کوفہ و شام تھے یا کرب و بلا تھے فضہ
تو نے زھرا کے گھرانے سے وفاداری کی

قنبر و میثم و حر تھے یا بلال و بہلول
درِ زھرا کے غلاموں نے بھی سرداری کی

مدحِ ظالم سے تبسم کا قلم پاک رھا
خو نہ آئی کبھی اس میں کسی درباری کی

تبسم نواز وڑائچ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
73
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انڈیا سے محترم انیس ابر کا سلام

دھوپ میں پیاس جب ستاتی ہے
یاد اک باوفا کی آتی ہے

رہے محفوظ چادرِ زینب س
اک صدا علقمہ سے آتی ہے

شمر کے ہر طمانچے پر بچّی
روکے عباس س کو بلاتی ہے

کٹے ہاتھوں کا زینبِ س کبری
بندھے ہاتھوں سے غم مناتی ہے

لاش اک نہر پر تڑپتی ہے
قید ہوکر سکینہ س جاتی ہے

دو کٹے ہاتھ اپنے بیٹے کے
فاطمہ س روزِ حشر لاتی ہے

سرِ غازی ع سِناں سے گرتا ہے
جب سکینہ س نظر میں آتی ہے

ظلم عترت نبی ص کی سہتی ہے
ظلم امّت نبی ص کی ڈھاتی ہے

داستاں ابر ایک پیاسے کی
آج بھی علقمہ سُناتی ہے

انیس ابر
— with Anees Abr.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
74
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عباس عدیم صاحب کا سلام:
۔۔۔۔۔۔۔۔۔۔۔۔
عباس عدیم قریشی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
75
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی سے نزہت عباس کی شرکت:
۔۔۔۔۔۔۔۔۔۔۔۔۔۔۔۔
Nuzhat Abbas
*عاشور کا سماں*
از قلم ۔۔۔ نزہت عباس

دشت بلا میں ہائے وہ عاشور کا سماں
جلتے ہوئے خیام وہ اٹھتا ہوا دھواں
اور شمر چھینتا تھا سکینہ کی بالیاں
سہمی ہوئ حسین کی بچی کی سسکیاں

رخسار باباجان نے چومے تھے پیار سے
اب نیلگوں تھے ہائے تمانچوں سے، مار سے

کرتے میں آگ لگ گئ کانوں سے خوں رواں
الجھی کبھی گری ہوئ لاشوں کے درمیاں
آواز دے رہی تھی کہاں ہو اے باباجاں
کس طرح کھاؤں ہائے میں ظالم کی سیلیاں

بابا مجھے پکارو کہ سینے پہ سوؤنگی
آواز گر نہ دوگے تو بابا میں روؤنگی

ناگاہ ایک نشیب سے آنے لگی ندا
پیاری میری نہ رو کہ تڑپتا ہے دل میرا
تجھ پر نثار باپ ہو اے میری دلربا
در چھن گئے ہیں کان سے، کرتا جلا ہوا

آ کہ تیرے بغیر تو میں بھی اداس ہوں
سینے پہ میں سلاؤں کہ میں تیرے پاس ہوں

لپٹی تن شکستہ سے جا کر وہ نیم جاں
پایا نہ جب پھوپی نے سکینہ کا کچھ نشاں
ڈھونڈا جلے خیام میں لاشوں کے درمیاں
گھبرا کے دی صدا کہ کہاں ہو سکینہ جاں

بے سر شکستہ تن سے صدا آئ اے بہن
آواز دھیمی رکھنا کہ سوئ ہے گل بدن

نزہت بیان کیا کرے جو حال زار ہے
دل پاش پاش بی بی پہ اپنی نثار ہے
پرحول راستہ ہے زمیں ریگزار ہے
طوق و رسن میں بھائ بہت دلفگار ہے

بی بی سفر طویل مصائب عجیب ہیں
زنداں کی سختیوں کے اندھیرے قریب ہیں
*نزہت عباس*

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

76

٭٭٭٭